Joshua paralajmëron Furyn: Ke diçka që dua ta marr, ndodhesh në listën time të eliminimeve

Anthony Joshua e ka paralajmëruar Tyson Furyn se ndodhet në listën e tij ‘të eliminimeve’ dhe se do t’ia rrëmbejë titullin WBC.

Dy boksierët britanikë pritet të përballën në një të ardhme në duelin e unifikimit të titujve, mirëpo paraprakisht ata do të ndeshen me kundërshtarë të tjerë.

Fury do ta kompletojë trilogjinë me Deontay Wilder, ndërsa Joshua do të përballet me Kubrat Pulev.

“Nuk ka dyshim se dueli që dua është ai ndaj Tyson Furyt – ai ka diçka që unë dua ta marr, prandaj ndodhet në listën time të eliminimeve”.

Lexo po ashtu Publikohet lista e luftëtarëve më të paguar – Tyson Fury lë pas Conor McGregorin dhe Anthony Joshuan

“Kurrë nuk i dihet se çfarë të pret me të. Ose është në maje të botës duke e pushtuar botën, ose në fund të oqeanit dhe duhet ta gjejë baraspeshën – por aktualisht duket se e ka gjetur në shtëpi duke u stërvitur me gruan e tij”.

“Ai thotë gjëra për mua gjatë gjithë kohës, po thuhet shumëçka, por Tyson Fury do të jetë relevant vetëm atë ditë kur unë dhe ai do ta nënshkruajmë kontratën për t’u ndeshur”, ka deklaruar AJ për The Sun.

30-vjeçari Joshua rimori titujt WBA, IBF, WBO dhe IBO në rimeçin ndaj Andy Ruiz Jr, ndërsa 31-vjeçari ia shkaktoi humbjen e parë në karrierë Wilderit duke ia rrëmbyer titullin WBC. /Telegrafi/