Josa: Të mos rrëmbehemi nga optimizmi, duhet të jemi të kujdesshëm

Trajneri i Prishtinës, Mirel Josa, ka bërë thirrje për kujdes të madh nga skuadra e tij para duelit kthyes ndaj skuadrës nga Luksemburgu, Fola Esch.

Prishtina zhvillon ndeshjen kthyese të enjtën mbrëma, ku edhe kërkon kualifikimin në rrethin e dytë të Europa League.

Edhe pse ndeshja e parë në Luksemburg përfundoi pa gola, tekniku i Prishtinës, Mirel Josa, thotë se ekipi i tij nuk duhet të rrëmbehet nga optimizmi.

“Kemi marrë rezultat pozitiv, por nuk duhet të rrëmbehemi nga optimizmi. Duhet të jemi të kujdesshëm nga se kundërshtari ka më shumë përvojë në garat evropiane”.

“Duhet të ketë entuziazëm në tribuna dhe në fushë, por të mos rrëmbehemi nga optimizmi, e përsëris. Rezultati ishte i mirë, por edhe më i mirë do të ishte barazimi me gola. Mund edhe të kishim pranuar gol. Andaj të shohim çka mund të bëjmë në fushë”, deklaroi Josa në konferencën për shtyp para takimit.

Prishtinës i duhet një fitore minimale ndaj Fola Esch për të siguruar kualifikimin tutje.

Në rrethin tjetër Prishtinën e pret skuadra KRC Genk. /Telegrafi/