Klubi kryeqytetas, Sigal Prishtina ka njoftuar se trajneri i tyre, Dragan Radovic, ka dhënë dorëheqje nga pozita e tij.
Prishtina është mposhtur në shtëpi nga Vëllaznimi me rezultat 74:86 (13:19, 24:24, 21:24, 16:19), në kuadër të javës së 20-të në Superligën e Kosovës në basketboll.
Kjo humbje ka bërë që trajneri i vendasve, Dragan Radovic të ofroj dorëheqjen, ndërsa kjo është konfirmuar nga vet faqja zyrtare e klubit bardhekaltër.
Postimi pa ndërhyrje i PrishtinësNjoftim! Pas përfundimit të ndeshjes së sotme kundër KB Vëllaznimi, Kryetrajneri Dragan Radovic njoftoi bordin e klubit për dorëheqje nga pozita. Trajnerin Radovic e falënderojmë për angazhimin e deritashëm dhe kontributin e tij në fitoren e kupës së Kosovës dhe i dëshirojmë suksese në të ardhmen./Telegrafi/ 
