Japonia do të jap grant mbi 60 mijë euro për sigurimin e mamografit në QKMF të Kamenicës

Një granë në vlerë mbi 60 mijë euro do të jap Japonia për Kosovën, për projektin për sigurimin e pajisjeve mamograf, për Qendrën Kryesore të Mjekësisë Familjare në Kamenicë.

Kontrata është nënshkruar sot në Fondacionin Jahjaga.

“Në ceremoni, z. Mitsunori Ogasawara, i ngarkuar me punë i Ambasadës së Japonisë në Kosovë, nënshkroi një kontratë granti prej 61,550 € së bashku me znj. Brikena Avdyli, Drejtore Ekzekutive e Fondacionit Jahjaga, për “Projektin për Sigurimin e Pajisjeve Mamograf, për Qendra kryesore e Mjekësisë Familjare në Kamenicë, Kosova Juglindore”, thuhet në komunikatë.

Sipas komunikatës për medie, projekti synon të rrisë shkallën e evidentimit të hershëm të kancerit të gjirit në mesin e banorëve të Kamenicës dhe komunave fqinje, duke përfshirë Novobërdon, Ranillugun dhe Gjilanin, me dhurimin e një pajisje mamografie në Qendrën Kryesore të Mjekësisë Familjare në Kamenicë, duke kontribuar kështu në zbulimin e hershëm të kancerit të gjirit në Kosovë.

Përfitueset e pritshme janë rreth 22 mijë e 600 gra të rajonit.

Në këtë ceremoni morën pjesë Mitsunori Ogasawara, i ngarkuar me punë i Ambasadës së Japonisë në Kosovë, Atifete Jahjaga, ish-Presidente e Kosovës, Dafina Gexha-Bunjaku, zevendesministre e Ministrisë se Shëndetësisë, Kadri Rahimaj, kryetar i Komunës së Kamenicës, si edhe përfaqësues të Fondacionit Jahjaga.

Qeveria e Japonisë prezantoi për herë të parë Projektet Bazë të Sigurisë Njerëzore (GGP)në vitin 1989 me qëllim që të plotësonte nevoja të ndryshme socio-ekonomike në vendet në zhvillim.

Kjo skemë ndihmon OJQ-të dhe institucionet publike lokale në përpjekjet e tyre për t’iu përgjigjur nevojave të ndryshme zhvillimore në nivelin bazë.

Kjo synon të përmirësojë nevojat bazë njerëzore duke synuar kryesisht fushat e shëndetit, arsimit, mjedisit dhe mirëqenies sociale.

Kjo ka për qëllim të përmbushë nevojat e ndryshme të komuniteteve lokale dhe të ketë një ndikim të drejtpërdrejtë në mirëqenien e komuniteteve bazë duke mbështetur drejtpërdrejt aktivitetet e zhvillimit në një mënyrë të shpejtë dhe të saktë.

Në Kosovë, Japonia ka zbatuar skemën GGP edhe para se vendi të fitonte pavarësinë. Deri më sot, shuma e përgjithshme e GGP-së japoneze pas pavarësisë së Kosovës arrin në 3,208,710 euro për 50 projekte në mbarë vendin. /Telegrafi/