James rikthehet në stërvitje me ekipin e parë, Pochettino me fjalë të mëdha për kapitenin

Reece James i është rikthyer më në fund stërvitjeve të ekipit të parë dhe ky lajm ka gëzuar të gjithë në kampin e Chelseat.

Në konferencën e tij për shtyp, Mauricio Pochettino shpjegoi pse James mund të jetë ende një nxitje masive për Chelsean në fund të sezonit.

Trajneri argjentinas ka thënë se duhet të shihet nëse James është i gatshëm për lojë, por e rëndësishme është vetëm se është me skuadrën.

“Ne duhet të shohim, por ndoshta ai mund të jetë i disponueshëm për të qenë në skuadër. Gjëja më e rëndësishme është që ai do të jetë atje me ne”.

Lexo po ashtu Chelsea po e shet përfundimisht Jamesin, ia cakton edhe çmimin

“Gjithmonë të kesh kapitenin tënd është një nxitje masive për çdo ekip. Ne kemi një marrëdhënie të mrekullueshme dhe sigurisht ai është një lojtar i mrekullueshëm”.

“E di që nuk është gjithmonë e lehtë kur vjen nga një dëmtim afatgjatë. Gjëja më e rëndësishme është që ai të jetë i disponueshëm dhe mund të jetë pjesë e skuadrës, dhe pastaj nëse mund të luajë pesë, 10, 15, 20 ose 30 minuta do të jetë e mrekullueshme”, deklaroi Pochettino.

Lexo po ashtu Revolucion i detyrueshëm te Chelsea: Nëntë lojtarë pritet të shiten - Broja dhe James në listë

“Sigurisht që është e pafat që është vetëm në javën e fundit dhe kemi tre ndeshje të mbetura, por është e rëndësishme të përfundojmë me ndjenja të mira dhe për të do të jetë e mrekullueshme të përfshihet me skuadrën”, tha trajneri argjentinas.

Reece James humbi të gjitha ndeshjet në vitin 2024 për Chelsean në mes të rikuperimit të tij nga një dëmtim i kofshës.

Mbetet të shihet nëse mbrojtësi anglez do të luaj këto ndeshje shumë të rëndësishme me Chelsean që po kërkon një vend në garat evropiane. /Telegrafi/