Se Ismail Kadare është një nga shkrimtarët më të njohur dhe gjenialë të kohës bashkëkohore dhe disa herë i nominuar për çmimin ‘Nobel’ në letërsi, këtë e thotë e gjithë bota, por jo edhe shumë qytetarë të Gostivarit, transmeton Telegrafi Maqedoni.
Në një anketë të televizionit Art, ku zhvilloi një intervistë me qytetarët e Gostivarit sesa e njohin Ismail Kadarenë, shumë pak e kishin lexuar shkrimtarin ose më saktë, shumë pak i’a kishin dëgjuar emrin, kjo gjë vërehet edhe në intervistë.
Disa nga komentet e tyre ishin: ‘Prej nga është ai, ka qenë deputet në Turqi’; ‘Jo nuk kam dëgjuar’; ‘Mendoj se është shkrimtar, por për momentin nuk më kujtohet asnjë vepër’, ‘Po, shqiptar është’;, dhe shumë komente tjera nga qytetarët e Gostivarit që ishin para mikrofonit të Vox Populli. Për më tepër shikoni videon në vijim.
Përndryshe Ismail Kadare është shkrimtari shqiptar më i njohur në botë. /Telegrafi/
