Ish-shefi i sigurisë së Uber-it dënohet për fshehje të një krimi

Ish-shefi i sigurisë së Uber është dënuar për mos tregimin e një sulmi tek autoritetet amerikane, sulm ky i cili ishte bërë nga hakerët në vitin 2016 në data bazat e kompanisë.

Një juri e gjykatës në San Francisko e shpallën fajtor Joe Sullivan – i cili ishte pushuar nga Uber në vitin 2017 – për pengim të drejtësisë dhe fshehje të një krimi.

Gjithnjë e më shumë, kompanitë negociojnë me hakerat e “ransomware”, përcjell Telegrafi.

Por hetuesit thanë se kompanitë duhet “që ta bëjnë gjënë e duhur” kur ka shkelje në sistemet e tyre.

Dënimi është një përmbysje dramatike për Sullivan, i cili në një pikë të karrierës kishte ndjekur penalisht krimet e lidhura me kibernetikën për zyrën e prokurorit të SHBA-së në San Francisko.

Pas dënimit të Sullivan, avokati i tij David Angeli, tha: “Fokusi i vetëm i z. Sullivan, në këtë incident dhe përgjatë karrierës së tij të shquar, ka qenë garantimi i sigurisë së të dhënave personale të njerëzve në internet,” raporton BBC.

Por prokurorët thanë se kjo çështje është një paralajmërim për të gjitha kompanitë.

“Presim që këto kompani t’i mbrojnë ato të dhëna dhe t’i alarmojnë klientët dhe autoritet e duhura kur të dhëna si këto vidhen nga hakerët”, tha prokurorja e SHBA-ve Stephanie M Hinds. /Telegrafi/