Ish-luftëtari i UÇK-së, Haxhi Lladrovci: Pasi dështuan me Haradinajn e Limajn tash po akuzojnë edhe Thaçin e Veselin

Ish-luftëtari i UÇK-së, Haxhi Lladrovci thotë se lufta e UÇK-së ishte e drejtë si qiriu dhe e pastër si loti.

Lladrovci në “Debat Plus” me Ermal Pandurin në RTV Dukagjini thotë se që i ri ka dëgjuar për Hashim Thaçin e Kadri Veselin kur ishin shokë të idealit të Fehmi e Ramiz Lladrovcit.

Ai thotë se lufta e UÇK-së ka qenë “e drejtë si qiriu dhe e pastër si loti”.

Ish-luftëtari i UÇK-së thotë se aktakuzat janë përgatitur në “kuzhinat e Beogradit, Moskës e një pjese të Evropës”.

Lladrovci thotë se në fillim të luftës bota demokratike nuk kishte shumë informacione për UÇK-në.

“Pasi ata na vëzhguan, filluan kontaktet e para dhe duke parë organizim e drejtë ata filluan edhe të bëhen aleatë me forcat e UÇK-së. Pasi u bënë aleatë ata ngritën UÇK-në edhe në bisedime”.

Lladrofci thotë se kjo drejtësi dështoi me Ramush Haradinajn dhe Fatmir Limajn.

“Iu dashtë që në kuzhinat e Beogradit dhe të Moskës të zihen këto akuza dhe të dalin në prag të bisedimeve. Besoj në luftën e drejtë të Presidentit Thaçi e Kadri Veselit dhe të gjithë luftëtarëve tjerë”.

Ish-luftëtari i UÇK-së thotë se edhe gjatë luftës ka pasur vëzhgues ndërkombëtarë ndërsa sipas tij pas lufte KFOR-i ka qenë gjithmonë këtu dhe nuk kanë pse të kenë pretendime./Telegrafi/