Ish-i dashuri i Rita Orës, Andrew Watt del pozitiv me coronavirus

Producenti i njohur ndërkombëtar, Andrew Watt (i lindur Wotman), ka rezultuar pozitiv në testimet për virusin COVID-19.

Ai ndau historinë e tij shqetësuese të testimit pozitiv për coronavirusin në një seri postimesh në rrjetin social Instagram, ku përshkroi se si sëmundja e tij nga virusi COVID-19 përparoi me shpejtësi deri në pikën ku i është vendosur një aparat frymëmarrjeje.

Postimet – të cilat gjithashtu aludojnë në vështirësinë e raportuar mirë që disa amerikanë po kanë në marrjen e provave për coronavirusin, përkatësisht më shumë se 5.200 amerikanë dhe çoi në gati në 100 vdekje – përshkruan një përparim të shpejtë dhe një rrugë zhgënjyese për të konfirmuar diagnozën, shkruan Billboard.

“Dje më dhanë rezultatet se unë jam pozitiv për COVID-19. Doja t’ju tregoja gjithçka për udhëtimin tim duke arritur këtu në një përpjekje për të sjellë vetëdijen për ashpërsinë e asaj që po ndodh në botë”, shkroi ai në Instagram.

Watt, i cili ka punuar me Cardi B, Post Malone dhe Ozzy Osbourne, tha që në mëngjesin e 6 marsit ai filloi të ndjehej sikur ishte “goditur nga një autobus. Unë nuk mund të lëvizja nga shtrati im për ditë dhe fillova të kisha ethe”, shtoi ai.

Watt me sa duket ishte vizituar nga një mjek në shtëpi dhe i tha që ai kishte grip dhe se nuk kishte asnjë mënyrë që të mund të kishte COVID-19 sepse nuk e kishte lënë vendin dhe vetëm shkonte në studio dhe pastaj kthehej në shtëpi. Ai i informoi të gjithë miqtë e tij dhe këdo që do të punonte me atë se ai kishte grip dhe u vetëdiagostikua.

https://www.instagram.com/p/B91WLdxHWy6/

Producenti thotë se atëherë ai ishte urdhëruar të merrte Tamiflu dhe Tylenol për të luftuar ethet, por “të dridhurat, djersitjet dhe ethet nuk u ndalën. Pastaj ai filloi të bëhet delusional dhe nisi kolla e thatë”, siç tregon producenti në rrëfimin e tij.

Ky është postimi i plotë i Andrew Watt në Instagram:

“12 ditë më parë, mëngjesin e 6 Marsit unë nisa të ndihesha sikur më kishte goditur një autobus. Nuk mundesha as të ngrihesha nga krevati për ditë të tëra dhe nisa të kem ethe. Unë jam djalë i ri e i shëndetshëm dhe do ta kaloj këtë. Por ka kaq shumë njerëz në jetën time dhe në botë që ndoshta nuk mund ta kapërcejnë këtë për shkak të moshës së tyre dhe / ose për shkak të një sistem imuniteti të kompromentuar. … Kjo është arsyeja pse unë jam duke shkruar këtë postim…. kjo nuk është shaka. Qëndroni brenda, rrini të sterilizuar. Ju lutemi ndaloni gjithçka dhe kujdesuni për veten dhe njerëzit që doni e që keni rreth jush derisa ta kalojmë këtë. Të kesh mentalitetin, ‘Unë jam i ri, kjo nuk mund të më ndikojë‘, është budallik dhe kaq e rrezikshme për të gjithë njerezit rreth jush. Distanca sociale është të mbrosh nënën dhe babin e dikujt, gjyshen e dikujt … nuk ka të bëjë me ty. Bëhet fjalë për të qenë bashkë si një ekip për ta luftuar këtë. Qëndroni të sigurt”.

Andrew Watt nuk është një emër i panjohur për shqiptarët pasi ai ka qenë për një kohë mjaft të gjatë në lidhje me artisten shqiptare me famë ndërkombëtare, Rita Ora, në vitin 2018.

Ata më pas u ndanë dhe u ribashkuan sërish në vitin 2019, por në tetor të këtij viti, The Sun raporti se dyshja kishin ndarë përsëri rrugët me njëri-tjetrin.

Ai është po ashtu një nga producentët i cili ka punuar në albumin më të ri të Dua Lipës, “Future Nostalgia”, që do të publikohet më 3 prill, përkatësisht është kompozitori i këngës së nëntë të albumit të saj, “Break my heart”.

Watt njihet edhe si kompozitori i dy këngëve shumë të suksesshme të Ritës, “Anywhere” dhe “Lonely together” në bashkëpunim me DJ-në e ndjerë, Aviciin. /Telegrafi/