Izraeli tha se dhjetëra raketa goditën vendin në një sulm për të cilin Irani tha se ishte një përgjigje “legjitime” ndaj zjarrit të mëparshëm izraelit.

Në një postim në rrjete sociale, Forcat e Mbrojtjes izraelite (IDF) thanë se civilët izraelitë po strehoheshin në strehimoret në të gjithë Izraelin ndërsa Irani hodhi raketa mbi Jerusalem.

E Misioni i Përhershëm i Iranit në Kombet e Bashkuara tha se Irani kishte marrë përgjegjësinë për sulmin për të cilin konkludoi se ishte një “përgjigje ligjore, racionale dhe legjitime” ndaj sulmeve izraelite.

Për të lexuar shkrimin e plotë, klikoni KËTU.

Kryeministri i Izraelit Benjamin Netanyahu ka paralajmëruar se Irani “do të vuajë” për sulmin e fundit raketor.

“Irani bëri një gabim të madh sonte – dhe do të paguajë për të”, tha Netanyahu.

Ai shtoi se sulmi kishte “dështuar” – pavarësisht pretendimeve nga Teherani i cili tha se rreth 90% e raketave goditën objektivat e tyre.

“Ekziston një dorë e qëllimshme dhe vrasëse pas këtij sulmi – ai vjen nga Teherani”, shtoi Netanyahu.

“Ne do t’i qëndrojmë rregullit që kemi vendosur: kushdo që na sulmon – ne do ta sulmojmë atë”, përfundoi ai.

Për të lexuar lajmin e plotë, klikoni KËTU.

Kryeministri britanik, Keir Starmer ka deklaruar se Britania e Madhe qëndron me Izraelin duke theksuar se është “thellësisht i shqetësuar” se Lindja e Mesme “është në prag” të një tjetër lufte.

Në një fjalim televiziv nga Downing Street, kryeministri dënoi një sulm nga Irani që pa rreth 200 raketa të lëshuara drejt Izraelit.

Siç raportohet, në momentin e sulmit Starmer ishte duke zhvilluar një bisedë telefonike me kryeministrin izraelit, Benjamin Netanyahu.

Për të lexuar lajmin e plotë, klikoni KËTU.

Pas një sulmi masiv me raketa balistike nga Irani drejt Izraelit, dy rivalët e kanë kërcënuar njëri-tjetrin me sulme të tjera, duke shtuar frikën për një luftë më të gjerë në Lindjen e Mesme.

Forcat Revolucionare të Iranit kërcënuan se do të kryejnë “sulme shkatërruese” ndaj Izraelit, nëse ky i fundit reagon ndaj sulmit të 1 tetorit nga Republika Islamike.

“Nëse regjimi sionist reagon ndaj operacioneve iraniane, do të përballet me sulme shkatërruese”, tha Trupi i Gardës Revolucionare Islamike (IRGC) në një deklaratë të publikuar nga agjencia iraniane e lajmeve Fars.

Për të lexuar lajmin e plotë, klikoni KËTU.

Këshilltari për sigurinë kombëtare, Jake Sullivan ka thënë se SHBA po punon ende me Izraelin “për të vlerësuar ndikimin e sulmit”, por “në këtë kohë ne nuk dimë për ndonjë vdekje në Izrael”.

“Me pak fjalë, ky sulm duket se ka qenë i mundur dhe i paefektshëm”, citohet të ketë thënë ai.

Vlerësimi fillestar i ushtrisë izraelite është se Irani gjuajti 180 “predha” në Izrael.

“Në këtë moment, ne e kuptojmë se ishin afërsisht 180 predha”, tha një zëdhënës i Forcave të Mbrojtjes të Izraelit për CNN. “Por kjo nuk është përfundimtare dhe (është) një vlerësim fillestar”.

Ushtria e Jordanisë tha në një deklaratë se të gjitha njësitë dhe formacionet në komandën e përgjithshme të forcave të saj të armatosura janë vënë në “gatishmëri të lartë për t’u përballur me çdo përpjekje që kërcënon sigurinë dhe stabilitetin e mbretërisë”.

Duke cituar një burim ushtarak në komandën e përgjithshme të forcave të armatosura, deklarata shtoi: “Komanda e Përgjithshme po monitoron nga afër zhvillimet që ndodhin në rajon dhe ka marrë masat e nevojshme paraprake për ndërtimin dhe mbështetjen e njësive të vijës së parë në frontet kufitare për të mbrojtur atdheun”.

Hamasi ka lavdëruar sulmin iranian ndaj Izraelit sonte, raporton Reuters.

Grupi militant tha se sulmet po “hakmerreshin” për vdekjen e tre personave të vrarë në sulmet e fundit izraelite.

Një nga personat e quajtur është Ismail Haniyeh, kryetar i byrosë politike të Hamasit derisa u vra në korrik, ndërsa ishte në Teheran.

Hamasi tha gjithashtu se vdekja e kreut të Hezbollahut, Hassan Nasrallah dhe gjeneralit të shquar iranian Abbas Nilforushan u hakmorën në këtë sulm.

Dyshja u vranë në një sulm ajror izraelit të premten në Liban.

Mohammed Abdulsalam ka mirëpritur operacionin ushtarak iranian, për të cilin ai tha se “tregon mbështetje për Palestinën dhe sfidon hegjemoninë e Izraelit në rajon”.

“Të pengosh entitetin sionist dhe të përballesh me të është e vetmja mënyrë për ta parandaluar atë nga përshkallëzimi i krimit të tij barbar kundër popullit libanez dhe palestinez dhe pjesës tjetër të rajonit”, tha Abdulsalam në një postim në rrjetet sociale.

Sekretari amerikan i Mbrojtjes, Lloyd Austin i ka thënë homologut të tij izraelit Yoav Gallant se Uashingtoni kishte “rritur gatishmërinë e forcave” në rajon në pritje të sulmit iranian.

Thirrja dukej se kishte ndodhur përpara se Irani të lëshonte qindra raketa drejt Izraelit.

“Sekretari dhe ministri Gallant diskutuan pasojat e rënda për Iranin në rast se Irani zgjedh të nisë një sulm të drejtpërdrejtë ushtarak kundër Izraelit”, thuhet në deklaratën e Pentagonit.

Rockets firing over Jerusalem right now as Israel sending up interceptors toward Iranian missiles pic.twitter.com/5uYAVWRMYp

— Andrew Roth (@Andrew__Roth) October 1, 2024

Sekretari i Përgjithshëm i Kombeve të Bashkuara, António Guterres dënoi “zgjerimin e konfliktit në Lindjen e Mesme, me përshkallëzim pas përshkallëzimi”, pak çaste më parë.

Reagimi i tij vjen pasi Irani gjuajti një breshëri raketash balistike ndaj Izraelit si hakmarrje për fushatën e Izraelit kundër aleatëve të Hezbollahut të Teheranit në Liban.

“Kjo duhet të ndalet. Ne kemi nevojë absolutisht për një armëpushim”, tha Guterres në një deklaratë, raportoi Reuters.

Deklarata e Guterres vjen pas lutjeve të tij të mëparshme dhe thirrjeve të shumta ndërkombëtare në javën e fundit për ndërprerjen e armiqësive në Gaza dhe Liban.

Zëdhënësi i ushtrisë izraelite ka reaguar ndaj asaj që vendi po e quan “sulmin serioz” ndaj Izraelit nga Irani.

Daniel Hagari, zëdhënësi i Forcave të Mbrojtjes të Izraelit (IDF), u zotua se sulmi “do të ketë pasoja”.

Ai shtoi se vendi mbetet në gatishmëri të lartë.

Sipas raportimeve të mediave, situata në Izrael dhe rajon është jashtëzakonisht e tensionuar. /Telegrafi/

Live video footage from Tel Aviv showed a barrage of projectiles that the Israeli military says were Iranian missiles after warnings of an imminent attack. pic.twitter.com/7HGTvZvQtD

— Al Jazeera English (@AJEnglish) October 1, 2024

Televizioni shtetëror iranian ka pohuar se 80% e rreth 200 raketave të lëshuara në Izrael goditën objektivat e tyre sonte.

Megjithatë, Forcat e Mbrojtjes izraelite kanë thënë se “nuk janë në dijeni” për ndonjë lëndim nga sulmi, i cili u nis në orët e fundit.

BREAKING: Two separate angles of Iranian missiles hitting Israel.

Opinion: The war started between Israel & Palestine on Oct 7 last year leading towards World War 3 as its expended to Lebanon, Yemen and Iran. pic.twitter.com/0AgtcEvfxp

— World Times (@WorldTimesWT) October 1, 2024

Footage of ballistic missiles arriving in Israel sent by the Islamic regime in Iran and there are reports of missile hit or fragment of one falling in Tel Aviv. Updates to follow. This is the fourth round of sirens in Tel Aviv tonight. ❤️‍🩹 pic.twitter.com/Vn25OpIBpk

— Emily Schrader – אמילי שריידר امیلی شریدر (@emilykschrader) October 1, 2024

Një urdhër për lëshimin e qindra raketave në Izrael është bërë nga udhëheqësi suprem i Iranit, Ali Khamenei, tha agjencia e lajmeve Reuters.

Një zyrtar shtoi se Teherani është “plotësisht i gatshëm për çdo hakmarrje”.

Afro 200 raketa janë lëshuar nga Irani drejt Izraelit, sipas raporteve të Radio Army.

Presidenti amerikan Joe Biden ka urdhëruar forcat amerikane në rajon që të ndihmojnë mbrojtjen e Izraelit kundër sulmit iranian dhe të rrëzojnë raketat, ka njoftuar Shtëpia e Bardhë.

Për të lexuar lajmin e plotë, klikoni KËTU.

Pas sulmit të Iranit ndaj Izraelit, hapësira ajrore fqinje e Jordanisë është gjithashtu e mbyllur përkohësisht, raportojnë mediat shtetërore.

Për të lexuar lajmin e plotë, klikoni KËTU.

Dëshmitarët kanë thënë se kanë parë dhjetëra raketa të fluturojnë mbi Jordaninë qendrore për në Izrael.

Bëhet e ditur se shpërthime të forta janë dëgjuar edhe në luginën e Jordanit, e cila ndodhet në kufirin midis Jordanisë dhe Bregut Perëndimor.

Për të lexuar lajmin e plotë, klikoni KËTU.

Irani sapo ka sulmuar Izraelin me raketa, ka njoftuar ushtria izraelite.

Raportet thanë se sirenat paralajmëruese u dëgjuan në Jerusalem dhe Tel Aviv.

I menjëhershëm ka qenë reagimi i IDF-së izraelite e cila ka dalë me një deklaratë.

Për të lexuar më shumë, klikoni KËTU.