Inxhinieri i rrjetit social xhirohet fshehtas dhe shkakton kaos: Twitter nuk beson në fjalën e lirë

Një inxhinier i lartë në Twitter është regjistruar fshehurazi duke pranuar se gjigandi i mediave sociale “censuron të drejtat”.

“Twitter nuk beson në fjalën e lirë”, tha Siru Murugesan në një seri videosh, të cilat janë regjistruar me kamera të fshehura të publikuara nga Project Veritas.

Lexo po ashtu Musk thotë se ka pezulluar përkohësisht procedurat e blerjes së Twitterit

“Elon [Musk] beson në fjalën e lirë”, shtoi Murugesan, i cili pohoi se shumë nga kolegët e “urrejnë” faktin se ai mund të udhëheq me rrjetin social, në rast të pagesës prej 44 miliardë dollarëve.

“Disa nga kolegët e mi janë si super të majtë, majtas, majtas, majtas, majtas”, tha inxhinieri, duke shtuar se shumë prej tyre kanë kërcënuar të largohen nëse Musk merr përsipër dhe zbaton modelin e fjalës së lirë.

“Punët tona janë në rrezik – ai është një kapitalist dhe ne nuk po vepronim si kapitalistë, më shumë si shumë socialistë”, tha Murugesan.

“Unë nuk e di [nëse] dy partitë mund të bashkëjetojnë vërtet në një platformë”, sugjeroi ai.

Lexo po ashtu Çfarë është produkti i ri në Twitter i quajtur 'X', i paralajmëruar nga Elon Musk?

Sipas Murugesan, të djathtët kanë më shumë gjasa të tolerojnë mesazhe abuzive, ndërsa të majtët thjesht do të refuzojnë dhe do të largohen nga faqja.

“Ne në fakt po censurojmë të djathtën, dhe jo të majtën”, u regjistrua duke thënë inxhinieri.

Twitter nuk iu përgjigj menjëherë pyetjeve të nypost dhe projectveritas. /Telegrafi/