“Inventing Anna”, seriali i ri i Netflixit që ka obsesionuar miliona njerëz në botë – bazohet në ngjarjen e vërtetë të mashtrueses Anna Delvey

“Inventing Anna” është një nga serialet më të fundit të zhanrit krim, i kompanisë gjigante Netflix.

Seriali me aktoren Julia Garner në rol kryesor, tregon historinë e egër dhe të vërtetë të mashtrueses Anna Sorokin, e cila u paraqit si një trashëgimtare e pasur gjermane e quajtur Anna Delvey ndërsa jetonte në qytetin e New Yorkut.

Përveç mashtrimit të klasës elitare njujorkeze, Sorokin mashtroi gjithashtu disa banka dhe hotele të njohura gjatë qëndrimit të saj në kryeqytetin njujorkez, shkruan People.

Që nga dënimi i mashtrueses Sorokin në vitin 2019, ka pasur disa përshtatje të historisë famëkeqe – duke përfshirë një libër të shkruar nga ish-shoqja e saj Rachel Williams të titulluar “My Friend Anna” dhe një serial që ende nuk është publikuar nga HBO – por seriali i Netflixit bazohet në artikullin e New York Magazine, “How Anna (Sorokin) Delvey Tricked New York’s Party People” të gazetares Jessica Pressler.

Por, kush është Anna Delvey?

Anna Delvey, emri i vërtetë i së cilës është Anna Sorokin, ka lindur më 23 janar 1991, në Domodedovo, një qytet jashtë Moskës, Rusi, por kryesisht është rritur në Gjermani. Ajo dhe vëllai i saj u rritën në një familje të shtresës së mesme; babai i saj ishte shofer kamioni dhe nëna e saj dikur zotëronte një dyqan të vogël moblijesh.

Në moshën 19-vjeçare, Sorokin u largua nga Gjermania për të ndjekur një shkollë mode në Paris, dhe përfundimisht ndryshoi emrin në Anna Delvey. Në verën e vitit 2013, ajo mori pjesë në Javën e Modës në New York në emër të revistës “Purple”, ku punonte në atë kohë dhe përfundimisht zgjodhi të qëndronte në qytet.

Pas dënimit të saj, Sorokin nuk është në kontakt me prindërit e saj dhe ata nuk morën pjesë në gjyqin e saj. Babai i saj ka deklaruar më parë se e ka mohuar atë, duke thënë për DailyMail në prill të vitit 2019: “Unë nuk kam ndonjë ndikim në jetën e saj dhe atë që ajo bën. Varet nga ajo çfarë ka bërë”.

Çfarë krimesh ka kryer Anna Delvey?

Ndërsa ishte në New York, Sorokin parakaloi si një trashëgimtare e pasur gjermane për t’u infiltruar në rrethin e brendshëm të shtresës elitare të qytetit. Gjatë qëndrimit të saj atje, ajo mashtroi njerëz të panumërt, hotele dhe banka, shpesh duke përdorur karta krediti të pavlefshme ose deklarata bankare të rreme për të krijuar iluzionin e pasurisë. Ajo madje krijoi idenë e krijimit të Anna Delvey Foundation, një klub privat dhe fondacion arti, për të joshur donatorë të pasur dhe për të çuar më tej markën e saj.

Pasi bredhi nga hoteli në hotel dhe nuk pagoi vazhdimisht faturat e saj, Sorokin u dëbua nga disa hotele. Në tetor të vitit 2017, Sorokin u arrestua gjatë një operacioni policor. Në atë kohë, ajo po qëndronte në një institucion për trajtimin e varësisë në Los Angeles County, California. Gjatë ndjekjes së saj, u vlerësua se ajo vodhi rreth 275,000 dollarë (275,000 euro).

Më 25 prill 2019, Sorokin u shpall fajtore për tetë akuza, duke përfshirë tentativë për vjedhje të madhe në shkallën e parë, vjedhje të madhe në shkallën e dytë, vjedhje të madhe në shkallën e tretë dhe vjedhje shërbimesh. Atë maj, ajo u dënua me katër deri në 12 vjet burgim shtetëror, gjobë 24,000 (24,000 euro) dollarë dhe u urdhërua të paguante dëmshpërblim prej rreth 199,000 dollarë (199,000 eurosh).

Ku është Anna Delvey tani?

Pas gjyqit të saj, Sorokin u dërgua në Institucionin Korrektues “Bedford Hills” përpara se të transferohej në Institucionin Korrektues “Albion” në New York. Në shkurt 2021, ajo u lirua nga burgu dhe u lajmëruar menjëherë në Instagram.

Megjithatë, atë mars, ajo u arrestua nga Emigracioni dhe Zbatimi i Doganave të ShBA-së për tejkalim të qëndrimit dhe vizës së saj.

Sorokin aktualisht është në pritje të deportimit në Gjermani pasi kaloi gati një vit në paraburgimin e Emigracionit dhe Doganave të ShBA. Pavarësisht raportimeve të mëparshme se Sorokin ishte liruar nga paraburgimi dhe ishte kthyer në Gjermani, një zëdhënës i ICE konfirmoi për Revistën “People” më 15 mars 2022 se ajo mbetet në një qendër paraburgimi në New Yor “në pritje të largimit”.

Gazeta gjermane e lajmeve “Der Spiegel” raportoi se dëbimi i saj dështoi në momentin e fundit kur Sorokin refuzoi të nisej për në aeroport ndërsa avokatët e saj paraqitën një mocion për të pezulluar vendimin. Gazeta raportoi gjithashtu se autoritetet amerikane po përpiqen të sigurojnë një datë të re për largimin e saj.

A e pagoi Netflix Anna Delvey-n e vërtetë për serialin “Inventing Anna”?

Në shkurt të vitit 2022, Insider raportoi se Netflix i pagoi Sorokinit 320,000 dollarë (320,000 euro) për të drejtat autoriale për të përshtatur historinë e saj të jetës në një serial të quajtur “Inventing Anna”. Publikimi raporton gjithashtu se Sorokin ka përdorur 199,000 dollarë (199,000 euro) nga paratë që ka marrë nga Netflix për të paguar kthimin në bankat që i detyrohet, plus 24,000 dollarë (24,000 euro) të tjera për të shlyer gjobat e shtetit.

Në një letër të hapur për Insider, Sorokin shprehu mendimet e saj për serialin e Netflixit, duke vënë në dukje se: “Nuk asgjë për të parë një version të fiksionalizuar të vetes sime në këtë mjedis kriminal-azili të çmendur, nuk më duket tërheqëse”. /Telegrafi/