Interneti mund të jetë 100 herë më i lirë!

Në një video të re të postuar në Facebook, drejtori ekzekutiv i rrjetit social dhe themeluesi i saj, Mark Zuckerberg ka sqaruar disa nga hapat që janë duke u ndërmarrë nga kompania e tij dhe aleatët të saj të faqes Internet.org, e cila synon që tu mundësojë qasje të internetit miliarda njerëzve nëpër botë, të cilët ende nuk janë të lidhur online.

Në kombinim me tentimet e tij teknike dhe politike, Zuckerberg beson se shërbimi i internetit mund të bëhet 100 herë më i lirë në çmim.

Zuckerberg i sqaron disa metoda të cilat kompanitë që janë të përfshira në këtë projekt janë duke i konsideruar. Për shembull, me zgjerimin e spektrit të antenave dhe përforcuesve, krijuesit e infrastrukturës mund të arrijnë në zona më të largëta me më pak shtylla, që do të thotë më pak kosto për ta.

Dhe metoda tjetër do të ishte përmes kompresimit të algoritmeve për të dhënat e përditshme, sepse ato do të bënin që kapaciteti i nevojitur për një video, apo shkarkim të një dokumenti të ishte më i vogël.

Zuckerberg mendon se duke i ulur kostot e lidhjeve të internetit për 10 herë, bashkë me uljen e të dhënave të dërguara për 10 herë, bota do të ketë 100 herë internet më të volitshëm dhe 100 herë më shumë qasje për tu lidhur me shërbimin. / Telegrafi /