Interi konfirmon lëndimin e Gagliardinit në kofshë, kthimi i tij do vlerësohet ‘javë pas jave’

Interi ka konfirmuar se Roberto Gagliardini ka pësuar një dëmtim të kofshës kundër Cagliarit dhe ky lëndim do të “vlerësohet javë pas jave”.

Mesfushori italian ishte njëri nga lojtarët kryesor të Interit këtë sezon, e sidomos në këto ndeshjet e fundit ku ka bartur barrën kryesore të mesfushës.

Megjithatë, Gagliardini u lëndua në pjesën e parë të fitores 4-0 në mbrëmjen e së martës ndaj Cagliarit, duke u detyruar ta lëshoj fushën me barelë.

Lexo po ashtu Interi kthehet te fitorja pas tri ndeshjesh, tani është në zonën e Ligës së Kampionëve

Ky lëndim i italianin la frikën tek drejtuesit e skuadrës dhe tifozët që ai mund të humbiste pjesën tjetër të sezonit.

Por, sot (e enjte) Nerazzurët kanë lëshuar një përditësim mbi lojtarin, duke konfirmuar dëmtimin e tij, por duke mos ofruar asnjë kohë rikuperimi.

“Roberto Gagliardini iu nënshtrua një skaneri MRI këtë mëngjes në Istituto Clinico Humanitas në Rozzano pasi ai u largua në pjesën e parë të ndeshjes kundër Cagliarit”.

“Testet tregojnë dëmtimin e muskujve të semimembranos së lojtarit në kofshën e tij të djathtë”.

“Gjendja e tij do të vazhdojë të vlerësohet javë pas jave”, thuhet në një deklaratë në faqen zyrtare të klubit italian. /Telegrafi/

📋| @gaglio94 underwent a scan this morning following his injury in #InterCagliari. https://t.co/lWcHfErrpj

— Inter ⭐⭐ (@Inter_en) April 19, 2018