Interi fiton me lehtësi te Genoa dhe rrëmben pozitën e dytë në Serie A

Interi ka fituar me rezultat 3-0 ndeshjen e tyre në udhëtim te Genoa në kuadër të javës së 36-të në Serie A.

Nerazzurrët kanë arritur t’i kthehen fitores pas dy barazimeve radhazi dhe me këto tri pikë është rikthyer në pozitën e dytë në tabelë.

Pjesa e parë e ndeshjes u karakterizua me lojë më të mirë të Interit, por edhe përkundër rasteve të shumta, arritën ta shënojnë vetëm një gol.

Goli i vetëm në këtë pjesë erdhi në minutën e 34-të dhe ishte Romelu Lukaku, i cili shënoi me kokë për 0-1 pas asistimit të Cristiano Biraghit.

🎯 | USING OUR HEADS

The moment when @RomeluLukaku9 brought us up to 19 headed goals this season. #GenoaInter 0-1 #FORZAINTER ⚫️🔵⚫️🔵 pic.twitter.com/wSuQV43S31

— Inter ⭐⭐ (@Inter_en) July 25, 2020

Edhe pjesa e dytë foli në të mirë të ekipit të Antinio Contes që arritën ta shënojnë edhe dy gola tjerë dhe ta sigurojnë fitoren.

Goli i parë në këtë pjesë erdhi në minutën e 83-të dhe ishte Alexis Sanchez, i cili shënoi për 0-2 pas asistimit të Victor Moses, ndërsa Lukaku (90+) shënoi golin e dytë personal dhe siguroi fitoren me rezultat 0-3.

🥰 | 90+3' WHAT. A. GOAL

Incredible from @RomeluLukaku9 to dance by his man and pick out the corner. Unstoppable. ⚡⚡#GenoaInter 0-3#FORZAINTER ⚫️🔵⚫️🔵 pic.twitter.com/XqfXQ3TKNe

— Inter ⭐⭐ (@Inter_en) July 25, 2020

Pas kësaj fitore, Interi e sheh veten në pozitën e dytë me 76 pikë apo katër më pak se Juventusi i pari, ndërsa Genoa zë vendin e 17-të me 36 pikë.

Në ndeshjen e radhës, zikaltrit e presin në shtëpi Napolin, teksa Genoa udhëton te Sassuolo. /Telegrafi/

https://twitter.com/CoppaVids/status/1287086640247308290

https://twitter.com/wilnoticias/status/1287103699706425344

https://twitter.com/CoppaVids/status/1287105952928411651