Drejtoria e Inspeksionit e Komunës së Drenasit ka ndërmarrë një inspektim në një market në fshatin Kishnarekë, ku janë gjetur produkte me afat të skaduar të vendosura në raftet e shitjes.
Produktet e sekuestruara do të asgjësohen sipas procedurave ligjore, ndërsa pronarit të marketit i është shqiptuar gjobë mandatore prej 500 eurosh dhe është vendosur masa e mbylljes së përkohshme të lokalit, përcjell Telegrafi.
Drejtoria e Inspeksionit apelon tek të gjitha subjektet tregtare në komunë që të respektojnë ligjet dhe standardet për sigurinë ushqimore, me qëllim mbrojtjen e shëndetit të konsumatorëve.
Komuna e Drenasit paralajmëron vazhdimin e kontrolleve të rregullta dhe të papritura në të gjithë territorin, për të garantuar ofrimin e produkteve cilësore dhe të sigurta për qytetarët. /Telegrafi/
