Infantino i bindur: VAR do të përdoret në Kupën e Botës

Goli fantazmë në ndeshjen me SHBA-të që i dha mundësinë Panamasë të kualifikohet në fazën finale të një botërori për herë të parë në historinë e saj e ka bindur presidentin e FIFA-s, Gianni Infantino për përdorimin e sistemit VAR.

Kreu i qeverisë së futbollit botëror tashmë nuk e ka fshehur dëshirën e tij për përdorimin e këtij sistemi që në Botërorin e vitit të ardhshëm në Rusi.

Sipas Infantinos ka ardhur momenti të korrigjohen gabimet dhe VAR-i të përdoret në kampionatin botëror “Rusia 2018”.

Lexo po ashtu SHBA dështon të kualifikohet në Kampionatin Botëror pas humbjes ndaj Trinidad e Tobago (Video)

“Ka ardhur momenti që të korrigjohen disa gabime, do të gjejmë mënyrën që sistemi VAR të përdoret në Kupën e Botës të 2018”, ka thënë fillimisht Infantino.

“Gjyqtarët janë qenie njerëzore dhe si të tillë bëjnë gabime, besoj se tani është e nevojshme që ata të kenë ndihmën e teknologjisë”, përcjell TCH.

Lexo po ashtu FIFA e pakënaqur me VAR, rrezikon botërori 2018

Këtë deklaratë, Infantino e bëri nga Lyoni ku ndodhet për etapën e fundit të turit në qytetet ku do zhvillohet Botërori i futbollit të Femrave të vitit 2019.

“Kur e gjithë bota e sheh një gabim të arbitrit në pak sekonda dhe ky i fundit është i vetmi që nuk e bën sheh kjo sepse nuk mundet, ka mënyrë për ta korrigjuar”.

“Është e nevojshme që të bëhen hapa para. Synimi i përdorimit të sistemit VAR nuk është korrigjimi i detajeve të vogla, por i gabimeve të rënda”, përfundoi kreu i FIFA-s. /Telegrafi/