“Indiana Jones and the Great Circle” vjen në Sony PlayStation

Video-loja aksion-aventurë “Indiana Jones and The Great Circle” është një ish-ekskluzivitet i Xbox-it që tani do të jetë i disponueshëm edhe në konsolën PlayStation 5 të Sony.

Video-loja më e re do të dalë në PS5 muajin e ardhshëm, saktësisht më 17 prill, vetëm katër muaj pasi debutoi në Xbox dhe PC.

Ata që zgjedhin edicionin premium ose paketën fizike koleksionare do të kenë qasje në lojë më 15 prill, së bashku me disa përfitime të tjera. Paraporositë tashmë janë të hapura.

Microsoft e konfirmoi në gusht të vitit të kaluar se këtë pranverë do ta ofrojë lojën në konsolën e Sonyt, si pjesë e një largimi të kompanisë nga ekskluziviteti i platformës.

Më parë kemi parë disa ekskluzivitete të Xbox-it të dalin në PS5, dhe disa prej tyre kanë arritur edhe në konsolën e video-lojërave portative Nintendo Switch. Midis tyre janë lojërat “Sea of Thieves”, “Hi-Fi Rush”, “Pentiment” dhe “Grounded”, ndërsa “Forza Horizon 5” pritet të dalë në PS5 më 29 prill.

Siç dihet, loja “Doom: The Dark Ages” do të jetë e disponueshme për PS5 nga 15 maji, në të njëjtën ditë kur do të dalë edhe për PC dhe Xbox.

Thashethemet thonë se versionet e përmirësuara të tre lojërave të para “Gears of War” po vijnë në PS5. Gjithashtu, “Fable” dhe madje edhe seria ikonike e Xbox-it “Halo” mund të bëjnë “kërcimin” drejt PS5, ndërsa barrierat rreth ekskluzivitetit të Microsoft-it në industrinë e lojërave vazhdojnë të shemben. /Telegrafi/