Indi dhjamor në duar na tregon gjendjen e shtyllës kurrizore

Përveç indit dhjamor në krahë, dhjami visceral në bark, midis organeve të brendshme, lidhet edhe me gjendjen e shtyllës kurrizore

Indet yndyrore në duar mund të tregojnë shëndetin e shtyllës kurrizore, thonë endokrinologët.

Domethënë, matja e yndyrës në krahë mund të ndihmojë në parashikimin e rrezikut të frakturave të shtyllës kurrizore te njerëzit mbi 50 vjeç, sipas një studimi të shkencëtarëve nga National and Kapodistrian University of Athens në Greqi.

Njerëzit mbi 50 vjeç mund të parashikojnë më lehtë rrezikun e thyerjes së shtyllës kurrizore

Studimi, i prezantuar në Kongresin Evropian të Endokrinologjisë në Stokholm, ishte i pari që identifikoi se përbërja trupore e duarve, veçanërisht sasia e yndyrës në to, lidhet me cilësinë e dobët të kockave dhe cilësinë e shtyllës kurrizore.

Përveç yndyrës në krahë, dhjami visceral në bark, midis organeve të brendshme, lidhet edhe me forcën e shtyllës kurrizore, transmeton Telegrafi.

Për njerëzit mbi 50 vjeç, matja e sasisë totale të yndyrës në krahë mund të ndihmojë në parashikimin se kush është në rrezik më të madh të frakturave të shtyllës kurrizore, ka zbuluar një studim i ri.

Dr Eva Kassi, një nga drejtueset e studimit, endokrinologe në National and Kapodistrian University of Athens thekson se gjetjet e studimit mund të ndihmojnë më mirë në identifikimin e individëve me rrezik të lartë dhe të fuqizojnë më tej njerëzit për të kontrolluar sasinë e yndyrës në trupin e tyre.

– Kjo mund të nënkuptojë se dhjami nënlëkuror në krah, i cili mund të vlerësohet lehtësisht edhe me një metodë të thjeshtë të palosjes së lëkurës, mund të shfaqet si një indeks i dobishëm i cilësisë së kockave të shtyllës kurrizore, por ndoshta edhe të parashikojë rrezikun e frakturave vertebrale – thuhet në komunikatën për publikun e nënshkruar nga Dr. Kassi.

Cila është marrëdhënia midis indit dhjamor në krahë dhe forcës së shtyllës kurrizore

Për qëllimet e studimit, studiuesit ekzaminuan 115 njerëz – 14 burra dhe 101 gra pa osteoporozë, me një moshë mesatare 62 vjeç, për të përcaktuar yndyrën e trupit të tyre dhe cilësinë e kockave të shtyllës kurrizore.

Frakturat e shtyllës kurrizore, domethënë thyerjet e rruazave në shtyllën kurrizore, janë frakturat më të zakonshme të lidhura me osteoporozën, një sëmundje që shkakton humbje të masës kockore dhe densitetit mineral kockor. Shumë njerëz nuk e dinë se kanë osteoporozë, e cila dobëson kockat, derisa të lëndohen.

Rezultatet e densitetit mineral kockor të pjesëmarrësve u matën duke përdorur një teknikë imazherike të njohur si absorbimi me rreze X me energji të dyfishtë ose testimi DEXA. Gjithashtu, u përdor edhe rezultati i kockës trabekulare (TBS), i cili vlerëson cilësinë e kockës pavarësisht nga indeksi i masës trupore (BMI).

Lexo po ashtu Çfarë funksioni ka indi dhjamor në trup, çfarë ndodh nëse ka tepër shumë ose tepër pak

Studiuesit zbuluan se ata me një sasi më të madhe të yndyrës së tepërt trupore, pavarësisht nga indeksi i BMI, kishin cilësi më të ulët të kockave në shpinë. Kjo ishte veçanërisht e vërtetë për yndyrën viscerale që rrethon organet e brendshme dhe indin dhjamor nën lëkurën e krahëve. Lidhja midis yndyrës së krahut dhe forcës së shtyllës kurrizore ka tronditur studiuesit.

“Çuditërisht, për herë të parë kemi evidentuar se përbërja e indeve të duarve, veçanërisht yndyra e tepërt, ka një lidhje negative me cilësinë e kockave dhe forcën e rruazave”, theksoi dr. Kassi. /Telegrafi/