Importet nga Serbia në vitin 2022 u rritën me 21.7 për qind

Importet nga Serbia në vitin që lamë pas janë rritur për rreth 21.7 për qind apo mbi 66 milionë euro.

Kosova këtë vit ka importuar mallra në vlerë prej 371.6 milionë euro nga Serbia, e cila sipas të dhënave nga Dogana e Kosovës llogaritet të jetë partneri i katërt tregtar i Kosovës në këtë aspekt.

Në vitin e 2021 Kosova nga Serbia kishte importuar mallra në vlerë prej 305.4 milionë euro.

Në bazë të këtyre të dhënave del se Kosova ka shënuar rritje të importeve nga Serbia me rreth 21.7 për qind apo 66 milionë euro.

Kështu mallrat nga Serbia përbëjnë rreth 6.63 për qind të totalit të importeve që ka  pasur Kosova gjatë vitit 2022.

Lexo po ashtu SHBA-ja për eksport, Turqia për import – partnerët kryesorë tregtar të Kosovës gjatë 2022-së

Në vitin para pandemisë (2018) Kosova kishte importuar nga Serbia mallra në vlerë prej 386.4 milionë euro.

Gjatë viteve të pandemisë dhe taksës 100 për qind (2019 dhe 2020) Kosova kishte nivelet më të ulëta historike të importeve nga Serbia.

Në vitin 2019 që ishte vit i fillimit të pandemisë eksportet nga Serbia nuk shkonin më shumë se 4.4 milionë euro.

Një vit më pas, importet shkuan në 173.4 milionë euro derisa në vitin 2021 Kosova nga Serbia importoi mallra në vlerë 305.4 milionë euro.

Së fundmi, është riaktualizuar thirrja për të bojkotuar produktet me origjinë nga Serbia.

Nismëtari i fushatës “Mos bli produkte serbe – Besa, besë” për bojkotimin e produkteve serbe, Burim Piraj bën thirrje që të mos konsumohen prodhimet e Serbisë.

Piraj në një intervistë për Telegrafin tha se qëllimi i kësaj fushate është që të vetëdijesohet qytetari i Kosovës, që të mos blejë produkte të cilat importohen nga fqinji verior.

Ai tha se për t’u bërë pjesë e fushatës nuk ka rëndësi partia politike së cilës i përket, por vullneti për të kontribuar. /Telegrafi/