LAJMI I FUNDIT:

Imeri për vdekjen e ish-aktivistit të LDK-së: Vrasësit i dimë, urdhëruesit janë tani në proces

Imeri për vdekjen e ish-aktivistit të LDK-së: Vrasësit i dimë, urdhëruesit janë tani në proces

Imer Imeri, vëllai i aktivistit të vrarë të LDK-së, Haki Imeri, ka thënë se ai i di vrasësit e vëllait të tij, duke shtuar se beson se Gjykata Speciale do të hedhë dritë mbi atë se çfarë ndodhi më vëllain e tij.

I ftuar në RTV Dukagjin, Imeri ka thënë se urdhëruesit e vrasjes janë tani në proces.

“Besoj plotësisht që do të zbardhet rasti, megjithëse se vrasësit i dimë prej kohësh, por urdhëruesit janë tani në proces dhe do t’i dimë edhe ata përmes Gjykatën Speciale”.


Ai ka dhënë versionin e tij për mënyrën se si është arrestuar vëllai i tij, e më pas është vrarë.

“Më 2 nëntor 1999, vëllai im është arrestuar nga tre persona. Ata kanë qenë në rroba të zeza që i kanë mbajtur policia e UÇK-së. Emblemë nuk kanë pasur fare. Ata kanë qenë të veçantë, i dinim të gjithë se kush janë. Vëllain tim e ka shoqëruar Agim Januzi, edhe ata i kanë dalë përpara e kanë pritur krejt kohën para shkollës, dhe kur është larguar nga shkolla ka ardhur në fshatin Brojë, aty i kanë dalë para dhe i kanë thënë “Haki urdhri është të vish me neve në informacion”. Sikur nuk i kemi pasur faj askujt kurrë, ka thënë “po” pa kurrfarë dyshimi. E kanë marrë vëllain dhe në atë rrugë e kanë dërguar në mes të Aqarevaës dhe Kopiliqit dhe e kanë pushkatuar aty”.

Imer Imeri: Jam dëshmitar i hapur i Gjykatës Speciale
Lexo po ashtu Imer Imeri: Jam dëshmitar i hapur i Gjykatës Speciale

Ai është shprehur i sigurt për emrat që siç thotë ai e kanë ekzekutuar Haki Imerin.

“Jam i sigurt për emrat që e kanë ekzekutuar sepse policia e UNMIK-ut atëherë edhe EULEX edhe policia jonë ma kanë dëshmuar që ata persona janë, Agron Sylejmani që më 17-18 mars e kanë vrarë policia e UNMIK-ut te Vushtrria, Naim Kadriu dhe Avni Feta – ish polic i Kosovës nga policët e parë. Asnjëri nga ta nuk më kanë kontaktuar fare.  Këta persona nuk kanë hyrë në burg. Nuk ka pasur proces gjyqësor sepse gjyqësia ka qenë e shkelur në fyt”.

Ai thotë se këtë çështje e ka adresuar te krerët shtetëror por që vetëm nga Hajredin Kuçi kishte marrë përgjigje.

“I kam shkruar Atifete Jahjagës, Jakup Krasniqit, Hashim Thaçit, Ismet Kabashit, Hajredin Kuçit, Bajram Rexhepit, Shpend Maxhunit, i kam shkruar, dhe i vetmi që më ka kthyer përgjigje është Hajredin Kuç֛i i cili më ka thënë se më vjen keq, e kemi gjyqësinë e pavarur dhe drejtohuni tek ata. I kam shkruar shefit të EULEX-it, nuk është përgjigjur fare, i kam shkruar ambasadës amerikane, për dy ditë më është lajmëruar. Ambasada amerikane më kanë premtuar se kjo punë do të ecë përpara”.

Në trend Lajme

Më shumë
Dalin pamjet e momentit të aksidentit ku humbën jetën dy vajzat e reja nga komuna e Kamenicës

Dalin pamjet e momentit të aksidentit ku humbën jetën dy vajzat e reja nga komuna e Kamenicës

Lajme
Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Lajme
Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Lajme
Policia tregon se si erdhi deri te aksidenti i rëndë në Ranillug ku humbën jetën dy vajza

Policia tregon se si erdhi deri te aksidenti i rëndë në Ranillug ku humbën jetën dy vajza

Kronika e Zezë
Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Lajme
Prokuroria autorizon policinë që të nisë hetimet ndaj Sami Kurteshit

Prokuroria autorizon policinë që të nisë hetimet ndaj Sami Kurteshit

Lajme
Kalo në kategori