Identifikohet vrasësi i Nipsey Hussle, reperi u qëllua me gjashtë plumba në prani të vajzës së tij

Policia e ka identifikuar të dyshuarin për vrasjen e Nipsey Hussle në Los Angeles, vetëm disa orë pasi 33-vjeçari ishte vrarë përpara një dyqani të cilin e pronësonte.

Zyrtarët policorë thonë se janë në kërkim të 29-vjeçarit Eric Holder, i cili është i lidhur me të shtënat përpara dyqanit të rrobave Marathon Clothing, ku u vra reperi dhe u plagosën dy të tjerë.

Holder thuhet se i është afruar reperit, ka shtënë në drejtim të tij dhe të miqve të tij, ndërsa më pas ka ikur me një automjet, të cilin e ka vozitur një femër e paidentifikuar.

Lexo po ashtu Të gjitha lajmet nga Nipsey Hussle

I dyshuari 29 vjeçar është pjesëtar i bandës rrugore, Rolling Sixty Kripsi, që ekziston qe disa vite në Los Angeles.

Sipas raportit policor, në reperin janë shkrepur gjashtë plumba, ndërsa në momentin e vrasjes pranë tij ka qenë edhe vajza e tij gjashtëvjeçare.

Hussle, emiri i vërtetë i të cilit është Ermias Joseph Ashedom, në të kaluarën kishte deklaruar se ka armiq, ndërsa vetëm disa orë para vrasjes kishte shkruar në Twitter: “Të kesh armiq është bekim”. /Telegrafi/

Eric Holder is wanted for Homicide in the shooting of Nipsey Hussle. He was last seen in a 2016 white 4 door Chevy Cruze CA license plate 7RJD742. Anyone with information related to his whereabouts or this deadly shooting is urged to contact South Bureau Homicide at 323-786-5100 pic.twitter.com/3pX4fbezDs

— LAPD HQ (@LAPDHQ) April 2, 2019