Icardi: Nëse Reali më thërret, nuk do t’i përgjigjem

Sulmuesi i Interit, Mauro Icardi si duket ia ka mbyllur derën gjigantit spanjoll, Real Madridi, të cilët ditëve të fundit thuhet se janë interesuar shumë për transferimin e tij.

Icardi ka arritur të shënoj dy gola sonte (e shtunë) në fitoren 3-1 të Interit ndaj Cagliarit, duke vulosur formën e tij të lartë këtë sezon dhe duke u bërë lider i golashënuesve të Serie A.

Kapiteni i Interit tani ka 15 gola në 14 ndeshje në Serie A, por shumica e golave vijnë nga ndeshjet e vështira që ka pasur skuadra e tij dhe drejtuesit e Interit dhe trajneri Luciano Spalletti shpresojnë që ai të qëndrojë gjithmonë në klub.

Lexo po ashtu Spaletti: Icardi do të mbetet përgjithmonë te Interi

Ka pasur raporte këtë javë që Real Madridi do të jetë gati të aktivizojë klauzolën e lirimit prej 110 milionë eurove në kontratën e tij, por Icardi ka refuzuar t’i përgjigjet një ftese nga Mbretërit në intervistën pas ndeshjes me Cagliarin.

“Klubi flet për klauzolën e lirimit, por të gjithë e dini se si unë ndihem. Nuk kam asgjë për të thënë”, ka thënë fillimisht Icardi për Sky Sport Italia.

“Nëse më vjen një telefonatë nga Madridi nuk do t’i përgjigjem”, shtoi sulmuesi argjentinas i Interit.

Lexo po ashtu Spaletti: Icardi do të mbetet përgjithmonë te Interi

Argjentinasi foli edhe për ndeshjen dhe fitoren ndaj Cagliarit, teksa u përkujdes t’i paralajmëroj skuadrat tjera që Interi deri në fund do të jetë në garë për kreun.

“Ne bëmë punën tonë, përqendrohemi në rezultatet tona dhe në fitimin e ndeshjeve tona”.

“Skuadrat e tjera e dinë se jemi atje, po i shtypim ata dhe do të gëzohem sonte si udhëheqës të Serie A”, përfundoi kapiteni i Nerazzurrëve. /Telegrafi/