Ibrahimovic i pamëshirshëm, godet yjet që shkuan në Arabinë Saudite: Kisha edhe unë mundësi

Superliga e Arabisë në futboll është bërë një destinacion shumë i lakmueshëm për yjet e futbollit që kanë lënë gjurmë në skuadrat më të mëdha evropiane.

Cristiano Ronaldo, Karim Benzema, N’Golo Kante, Sadio Mane, Roberto Firmino e shumë yje të tjerë kanë zgjedhur të transferohen në Arabi ku kanë fituar edhe kontrata të majme.

Legjenda suedeze, Zlatan Ibrahimovic nuk është përmbajtur në kritika ndaj yjeve që kanë zgjedhur Arabinë në një intervistë me Piers Morgan.

Lexo po ashtu Së bashku që 20 vite - Zlatan Ibrahimovic zbulon arsyen se përse nuk është martuar me Helena Seger

Ish-reprezentuesi suedez tha se ka pasur edhe vet oferta nga Kina dhe Arabia, por i ka refuzuar ato.

“Kam pasur një ofertë edhe nga Kina. Kisha një ofertë edhe nga Arabia Saudite, por situata është, çfarë doni? Çfarë objektivash keni?”, tha Ibrahimovic.

“Unë thashë përpara se të fillonim, pasi disa lojtarë duhet të përfundojnë karrierën e tyre në skenën e madhe sepse kjo është fundi i lartë i karrierës suaj. Ju duhet të mbani mend për talentin tuaj, jo për atë që keni fituar”, vazhdoi tutje Ibra.

Lexo po ashtu Ibrahimovic flet sërish për Guardiolan: Kur më la në bankë, parkoja Ferrarin tim para zyrës së tij

Krejt në fund Ibrahimovic tha se nuk mund të shkosh në një nivel më të ulët dhe ta përfundosh karrierën.

“Sepse nëse do të kujtoheshe në mënyrë të kundërt, ajo për të cilën po stërvitemi çdo ditë, ajo për të cilën po njihemi, është talenti ynë dhe për këtë dëshironi të mbani mend”.

“Kështu që unë mendoj se disa lojtarë që arrijnë një nivel të caktuar, ata duhet të ndalojnë në një fazë të caktuar, dhe kjo është faza e madhe”.

Lexo po ashtu Nga Ibrahimovic te Toure dhe Gotze, lojtarët që dështuan nën drejtimin e Pep Guardiolës

“Nuk mund të shkosh në një fazë më të ulët dhe ta përfundosh karrierën në një mënyrë tjetër. Por disa lojtarë kishin nevojë për situatat ku  mund të fitonin shumë para sepse ata nuk fituan mjaftueshëm”, tha Ibra. /Telegrafi/