Zlatan Ibrahimovic vazhdon shkëlqimin e tij në kampionatin amerikan MLS.
Sulmuesi suedez edhe njëherë ka qenë vendimtar në fitoren e skuadrës së tij LA Galaxy 3-0 ndaj Vancouver Whitecaps.
Vetëm pas katër minutave lojë, Ibrahimovic shënoi golin e parë kësaj radhe nga penalltia për 1-0.
Në pjesën e dytë, Ibrahimovic realizoi një gol të bukur nga distanca për 2-0.
Goli i dytë në këtë takim ishte edhe i 20-ti në kampionat për suedezin.
Ibrahimovic bëri një gjest të jashtëzakonshëm në minutën e 77-të të ndeshjes.
Suedezi fitoi penallti dhe kishte mundësi ta ekzekutonte për ta kompletuar het-trikun.
Por ai vendosi që goditjen e penalltisë t’ia lë shokut të skuadrës Alessandrini i cili shënoi për 3-0.
Gjesti nga Ibra u vlerësua shumë nga tifozët e futbollit nëpër rrjetet sociale.
Pas kësaj fitore, LA Galaxy ndodhet në pozitën e shtatë të Konferencës së Perëndimit dhe po kërkon futjen në Play Off. /Telegrafi/
