Hovenier pas takimit me Kurtin: Tensionet ndikojnë negativisht te investimet e huaja

Kryeministri i Republikës së Kosovës, Albin Kurti, bashkë me ambasadorin amerikan në Kosovë, Jeffrey Hovenier, kanë zhvilluar sot një takim të përbashkët me përfaqësues të bizneseve. 

Kurti theksoi rëndësinë e zhvillimit të qëndrueshëm ekonomik, potencialin që ka Kosova dhe mundësinë e thellimit të bashkëpunimit me sektorin privat.

Mirëpo në një reagim në Twitter për këtë ngjarje, ambasadori i Shteteve të Bashkuara të Amerikës në Kosovë, Jeff Hovenier, ka thënë se ngritja e tensioneve ndikon keq në klimën e investimeve në Kosovë.

Ai ka thënë se tensionet e rritura dhe paqëndrueshmëria po ndikojnë negativisht në klimën e investimeve në Kosovë.

Lexo po ashtu Kurti e Hovenier, takim të përbashkët me përfaqësues të bizneseve, flasin për sfidat në sektorin privat

“Isha pjesëmarrës në një takim të rëndësishëm që kishte kryeministri Albin Kurti me përfaqësuesit e bizneseve për nevojën e forcimit të bashkëpunimit dhe zgjerimit të dialogut mes Qeverisë dhe sektorit privat”.

“Ne diskutuam gjithashtu se si tensionet e rritura dhe paqëndrueshmëria ndikojnë negativisht në klimën e investimeve në Kosovë”, ka shkruar ai në Twitter.

Kurti nga ana tjetër thotë se në takim u diskutua për mundësitë dhe sfidat, në sektorin privat, me theks te financimi i zgjerimit të biznesit dhe fuqia punëtore, si dhe për mënyrat se si të tërhiqen edhe më shumë investime të huaja direkte në vendin tonë./Telegrafi/

Participated in an important conversation today between PM Kurti & 🇽🇰 business leaders on the need to strengthen cooperation & enhance dialogue between government & private sector.  We also discussed how increased tensions & instability negatively impact 🇽🇰’s investment climate. pic.twitter.com/EpwVYPqMg4

— Ambassador Jeff Hovenier (@USAmbKosovo) July 10, 2023