Historia e digës më të lartë në botë, e cila po paraqet rrezik për jetën e mijëra amerikanëve (Foto/Video)

Diga Oroville e cila po kërcënon qytetarët amerikanë me shpërthim pasi brenda saj është shfaqur një gropë gjigante, ka detyruar autoritet të evakuojnë 200 mijë banorë të Kalifornisë.

Ajo konsiderohet si diga më e lartë në Shtetet e Bashkuara dhe shërben për furnizim me ujë të pijshëm, prodhim të energjisë elektrike dhe si mburojë kundër përmbysjeve, transmeton Telegrafi.

Falë mureve gjigante të ndërtuara përreth krijon liqenin artificial të Oroville, që konsiderohet si liqeni i dytë artificial më i madhi në Kaliforni.

Kjo digë ishte ndërtuar në periudhën 1962 deri më 1968 nga Instituti për Burime Ujore i Kalifornisë (DWR), por ndërtimi i saj është shoqëruar me vështirësi të shumta, përmbysje dhe shkatërrime.

Diga ishte hapur më 4 maj të vitit 1968 nga guvernatori i atëhershëm i 33-të i Kalifornisë, Ronald Regan, i cili më vonë u bë presidenti i 40-të i Shteteve të Bashkuara.

Se çfarë probleme u ishin shfaqur inxhinierëve gjatë ndërtimit të saj, mund ta shikoni në videon pesë minutëshe të titulluar “Lindja e digës Oroville”, nga autori dhe producenti Mark S. Lambert. /Telegrafi/