Marrja e vendimit për fillimin e hetimit për çmimet antidamping nga Ministria e Tregtisë dhe Industrisë ka përçarë qumështarët, ku disa prej tyre kanë dal kundër këtij vendimi. Mos përkrahja e hetimit dhe e mbrojtjes së prodhimit vendorë lë të dyshohet se këta prodhues mund të përdorin në produktet e tyre të qumështit vaj palme.
Zyrtarët e Ministrisë së Tregtisë dhe Industrisë (MTI), kanë thënë se që nga e hëna kanë filluar me hetimin e produkteve që dyshohen për shitje nën koston e prodhimit.
“Si Ministri e Tregtisë dhe Industrisë, do të hetojmë vetëm për çmime. Hetimi ka filluar nga e hëna, kemi bërë disa vizita nëpër kompani dhe pas analizave do të merren masa për produktet që shiten nën koston e prodhimit”, ka thënë SytrimeDervisholli, Udhëheqëse e Departamentit të Tregtisë, në MTI.
Kurse, kryetari i Shoqatës së Qumështarëve të Kosovës, RamadanMemaj, ka konfirmuar për Telegrafin se pas kërkesës së tyre, Ministria e Tregtisë dhe Industrisë ka filluar hetimet për çmimet antidamping.
“Nëse do të ndërmerren masat e tilla kjo do të jetë diçka shumë e mirë për sektorin e qumështit si dhe konsumatorin e Kosovës. Efektet të cilat mund të pritën janë shumë domethënëse për zhvillimin e sektorit por këto masa duhet të përcillen me masa tjera nga ana e Agjencisë së Ushqimit dhe Veterinës, sa i përket produkteve me yndyrë bimore”, tha Memaj .
Sipas tij, produktet e qumështit me yndyrë shiten me çmime tepër të lira dhe e dëmtojnë prodhimin vendorë.
“Prodhuesit dhe përpunuesit e qumështit presin veprime konkrete në këtë drejtim nga ana e institucioneve vendore. Vendimi i MTI-së për fillimin e hetimeve është veprim i drejt dhe shumë i nevojshëm. Shpresojmë se edhe AUV do të ndërmarr masat e nevojshme në mënyre që ky problem të zgjidhet”, ka thënë kryetari i Shoqatës së Qumështarëve të Kosovës, Ramadan Memaj
Por me Memajn, nuk pajtohet një qumështarë tjetër. Siç duket vendimi për hetim nga MTI ka ndarë në dysh qumështarët.
Gani Durmishaj nga qumështorja “Aldi”, ka thënë se janë kundër marrjes së masave të menjëhershme dhe hetim të çmimeve antidumping, pasi kjo sipas tij, mund të ketë ndikime në treg.
Durmishaj ka thënë se përfaqëson shumicën e qumështorëve të Kosovës. “Jam kundër hetimit të çmimeve damping pasi që nuk është bërë një analizë paraprake se për cilat produkte ka nevojë për të marrë masa. Pa u ulë me diskutuar si dhe pa bërë një analizë të mirëfilltë nuk duhet të merren masa. Marrja e këtyre masave mund të ndikojë në ngritjen e çmimeve në treg dhe me ngritjen e çmimeve dëmtohen konsumatorët”, ka theksuar Gani Durmishaj.
Në një kontest të mëhershëm rreth legjitimitetit të udhëheqjes së Shoqatës së Qumështarëve të Kosovës në mes të Gani Durmishajt dhe Ramadan Memajt, ky i fundit ka marrë mbështetjen e Ministrisë së Administratës Publike, si kryetari ligjor i kësaj shoqate. /Telegrafi/
Vendimi i MTI-së për hetim mund të lexohet KËTU.
Promo
Reklamo këtuLufta Prigozhin - Putin
Më shumëKush është vajza biznesmene që po pushton tregun muzikor?
3, 2, 1 - Volvo gati për ty!
24 orë na ndajnë nga ngjarja e madhe Halving në Bitcoin
Kosova përfiton 90 milionë euro nga Banka Botërore
Mesazhet iraniane ulën çmimet e naftës në tregun botëror
B&M ofron Trajnim dhe certifikim për Operuesit e Vinçave, Auto Vinçave, Pirunierëve, Ashensorëve të ndërtimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel