Ish-ministrja e Drejtësisë nga LVV, Albulena Haxhiu, ka folur për prioritetet e Qeverisë “Kurti2”.
Anëtarja e kryesisë së Lëvizjes Vetëvendosje, për albanianpost, thotë se ndër prioritet e para do të jetë procedimi në Kuvendin e Kosovës i projektligjit për konfiskim të pasurisë së fituar në mënyrë të kundërligjshme.
“Në mandatin e kaluar ne kemi punuar në hartimin e koncept-dokumentit për këtë, tani ka mbetur që në bazë të atij koncept-dokumenti, i cili ka qenë edhe publik, të draftohet projektligji dhe të procedohet në Kuvendin e Kosovës”, thotë Haxhiu.
Ajo thekson qëllimi është fuqizimi i mekanizmave për konfiskimin e pasurisë së paligjshme dhe vendosja e barrës së provës te personi që i kërkohet justifikimi i pasurisë.
“Po ashtu ne do të punojmë edhe në themelimin e Byrosë së lartë të hetimeve që do të merret vetëm me korrupsionin e nivelit të lartë”.
Në anën tjetër, Ehat Miftaraj nga Instituti i Kosovës për Drejtësi thekson se Kosova ka kornizë jashtëzakonisht të avancuar lidhur me sekuestrimin dhe konfiskimin e pasurisë së fituar me aktivitet kriminal.
Por sipas tij, sfidë mbetet zbatimi i ligjit në vend.
“Problemi kryesor në Kosovë është mungesa e zbatimit të ligjit në praktikë, mungesa e dënimeve finale që do t’i hapnin rrugë konfiskimit të pasurisë së fituar me vepër penale”.
Miftaraj thotë se vetëm pas procesit të Vetting-ut kjo iniciativë e LVV-së do të jepte rezultat.
“Iniciativa do kishte efekt nëse do të kishim institucione të pavarura të drejtësisë, të paanshme dhe që kanë vullnet dhe guxim për të zbatuar ligjin, e që kjo sot nuk ekziston”.
Ndërkohë, Koordinatori Kombëtar për Luftimin e Krimeve Ekonomike, Shqipdon Fazliu, ka thënë se tashmë kanë hartuar një raport me shumën e konfiskuar që dyshohet se u fitua në mënyrë të kundërligjshme.
“Ne në këtë moment mund të japim statistikat e përgjithshme për vitin 2020 qe janë si ne vijim: Ngrirje-sekuestrim: rreth 19 milionë euro dhe Konfiskim: 476 mijë euro”.
Fazliu tha se ky raport i është paraqitur Këshillit Prokurorial të Kosovës dhe pret që shpejt i njëjti të aprovohet.
Por ai nuk ka dhënë detaje shtesë se kush janë këta persona që u është sekuestruar dhe konfiskuar pasuria.
“Sapo i njëjti të aprovohet, atëherë do të jemi në gjendje të ofrojmë të dhëna më të detajuara”, përfundoi Fazliu.
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën