Havertz përfundon në radarin e Unitedit si alternativ e Sanchos

Manchester Uniteti po konsideron alternativa për objektivin kryesor, Jadon Sancho, këtë verë, dhe ylli i Bayer Leverkusenit, Kai Havertz ka përfunduar në radar.

Djajtë e Kuq janë të lidhur fort me sulmuesin anësor të Borussia Dortmundit dhe Kombëtares së Anglisë.

Por, duke pasur parasysh çmimin e tij dhe mosgatishmërinë e Dortmundit për të shitur, Djajtë e Kuq po shikojnë alternativa tjera.

Lexo po ashtu Havertz paralajmëron largimin nga Leverkusen: Tani jam gati për të bërë hapin e madh

Sipas mediumit Evening Standard, Unitedi po e shikon gjithashtu yllin e Leverkusenit, Havertz, si alternativ e Sanchos.

Sulmuesi i talentuar gjerman është i lidhur me Bayern Munichun, Liverpoolin, Chelsean dhe klube të tjera të mëdha këtë verë dhe konkurrenca pritet të jetë e madhe.

Havertz, i cili kryesisht luan si numër 10, është vetëm 20-vjeçar dhe ka treguar shumë në dy sezonet e kaluara.

Lexo po ashtu Bayerni do të shpenzojë mbi 200 milionë euro për t’i transferuar tre futbollistë

Leverkusenit mund t’i duhet ta shesë për shkak të humbjes së fondeve pas shpërthimit të pandemisë së Covid-19.

Megjithatë, Djajtë e Kuq do të duhet të paguajnë së paku 100 milionë euro edhe për Havertzin nëse i duan shërbimet e tij. /Telegrafi/