Haradinaj kundër uljes së pagave për prokurorët, gjyqtarët dhe policët

Pas procedimit me ndryshme të Ligjit për Pagat nga Komisioni për Administratë Publike ka reaguar kryeministri Ramush Haradinaj duke thënë se është i shqetësuar me uljen e pagave për sistemin e drejtësisë dhe policinë. Ai ka premtuar se do të luftojë për pagat e prokurorëve dhe gjyqtarëve.

Postimi i plotë i Haradinajt në Facebook

Policë, Prokurorë dhe Gjyqtarë të pavarur dhe të dinjitetshëm, do të thotë më shumë siguri dhe më shumë zhvillim ekonomik!
Në këtë mision, Qeveria e Republikës së Kosovës që në fillim të mandatit, vendosi për rritjen e pagave në këtë sektor, si pjesë e fuqizimit të sundimit të rendit dhe ligjit.

Sot, jam i shqetësuar me vendimin e Komisionit Parlamentar, për të procesuar Ligjin për Paga, me ndryshimet në kundërshtim të misionit tonë, me paga të zvogëluara në sistemin Gjyqësor dhe Prokurorial.

Ftoj Komisionin, Kuvendin dhe deputetët që mos ta dëmtojnë sistemin e drejtësisë dhe të reflektojnë, duke u bërë bashkë në mbrojtje të sundimit të ligjit.

Unë do të vazhdojë të luftoj për pagat e prokurorëve dhe gjyqtarëve në të gjitha etapat – komision, diskutim e seancë, ashtu si kam luftuar e qëndruar deri më tash. /Telegrafi/