LAJMI I FUNDIT:

Hamza thotë se po bëhet trafikim me buxhetin e Kosovës

Hamza thotë se po bëhet trafikim me buxhetin e Kosovës

Pas votimit të mocionit të Lëvizjes Vetëvendosje për të vazhduar me procedurë të përshpejtuar me projektligjin për buxhetin 2020, shefi i deputetëve të PDK-së, Bedri Hamza ka reaguar duke thënë se është bërë trafikim me buxhetin.

Ai ka kritikuar pozitën që ka miratuar mocionin dhe sipas tij, këtë e ka bërë pa mbërritur në sallë opozita.

“Bash ky është trafikim i buxhetit, bash ky është mosmbajtje e fjalës, bash ky është lëndim, unë besoj që këtij vendi ka me i vy bashkëpunimi pozitë-opozitë edhe në raste të tjera edhe në momente tjera, qysh me besu unë, unë jam i gabueshëm, unë kam gabuar, do të gaboj, i kuptoj dallimet politike por këtë keni mujt me bë vetëm ju, e keni mrri një diçka, buxheti tek e fundit mos me kalu sonte, kish kalu Brenda tre-katër ditësh, kishe kalu në një afat tjetër”, tha Hamza, njofton KP.

Ai ka thënë se problem i qeverisë nuk është koronavirusi siç po thonë.

“Qeverisë i kam treguar me kohë, në mënyrën më të butë që kam ditur dje kam mundur që je duke u vonuar. Është vonuar dhe problem nuk është koronavirusi, është mos përgatitja dhe procedimi i buxhetit në kohë. E keni mshel derën për me pas komunikim me Partinë Demokratike, për çështjet të cilat u duhet konsensusi, na keni thirr, na keni qitë prej sallës, para se me ardhur keni mujt me thënë thërrasim deputetët e opozitës me ardhur në sallë, me i ra ziles por e keni ditë që i keni 61 numra i kuptojmë ne këto teknika, se jemi goxha moti në këto procese”, tha ai.

Por, kryetarja e Kuvendit tha se mos ardhjen e opozitës në sallë e ka kuptuar si ndihmë për të vazhduar tutje me seancën, e duke mos dashur ata që të bllokojnë procesin.

“Zoti Hamza ju falënderoj për korrektësinë që e keni treguar në takimin që e patëm. Por po u tregoj sinqerisht që përshtypja jonë ishte që ju vet nuk po doni me ardhur, përkundër 25 minuta të ziles edhe përkundër faktit që u përmend ora e saktë, pra 17:20 kur fillojmë. Nuk ish dasht me e trajtu këtë si diçka tjetër, por thjeshtë si procedurë të cilën unë kam qenë e detyruar ta respektojmë dhe është kërkesë e deputetëve që në momentin kur janë 61 në sallë me procedu për shkak të pritjes së gjatë”, tha ajo. /Telegrafi/