Haliti i reagon ministres Hajdari: Jemi duke shqyrtuar seriozisht nëse do të pranojmë të zbatohet vendimi juaj i jashtëligjshëm për bordin e Postës
Kryesuesi i Bordit të Drejtorëve të Postës së Kosovës, Halit Isufi, ka reaguar ndaj deklaratës së fundit të ministres në detyrë Rozeta Hajdari, e cila ka arsyetuar emërimet në bordet e Postës, Ujësjellësit e Infrakos-it.
Isufi, përmes një reagimi dërguar mediave ka thënë se deklarata e Hajdarit është skandaloze dhe e pavërtetë.
“E konsideroj të domosdoshme të reagoj ndaj një deklarate të ministres Rozeta Hajdari në llogarinë e saj në Facebook ku mundohet të arsyetoj shkarkimin e bordeve dhe emërimin e militantëve partiakë. Deklarata juaj është shumë skandaloze, e pavërtetë dhe denigruese për mua si Kryesues i Bordit të Drejtorëve të Postës dhe kolegëve të mi”, ka thënë ai.
Haliti ka pyetur ministren të sqarojë deklarimin për siç ka thënë, “është ndalur gjakderdhja financiare”.
“Për çfarë gjakderdhje financiare e keni fjalën?! Kur na paska ndodhur kjo? Kush e ka bërë? Pse nuk të vije turp të gënjeni publikisht?! Nëse unë dhe kolegët e mi paskemi shkaktuar “gjakderdhje financiare” dhe paskemi vjedhur dërgoje policinë të na arrestojnë”, ka thënë më tej ai.
Haliti konsideron se ministrja në detyrë, ka shpifur dhe denigruar publikisht me deklarimin për bordet.
“Nuk të lejojmë të na denigrosh publikisht duke u munduar me rrena e shpifje të ulëta të mbulosh skandalin dhe shkeljen ligjore që po dërgon masa të dhunshme në ndërmarrje publike përmes emërimit të militantëve partiak! Sjellja jote nuk i përket nivelit të një ministreje, edhe pse je e shkarkuar me gjithë qeverinë tënde me 2/3 e votave të Parlamentit të Republikës së Kosovës. Ti je ajo që duhet të shkosh në shtëpi sa më parë dhe jo unë dhe kolegët e mi që kemi kaluar nëpër konkurs publik të vlerësuar lartë edhe nga Kompania Britanike konsulentë”, thotë kryesuesi i Bordit të Drejtorëve të Postës së Kosovës.
Haliti thotë se do të shqyrtohet vendimi për shkarkimin e bordit të postës dhe mund siç ka thënë ai të mos zbatohet vendimi, duke e quajtur të jashtëligjshëm.
“Po të njoftoj publikisht ty dhe shefat tu në qeverinë e shkarkuar se unë dhe kolegët e mi jemi duke shqyrtuar seriozisht nëse do të pranojmë të zbatohet vendimi juaj i jashtëligjshëm.
Unë dhe kolegët e mi anëtarë të Bordit të Drejtorëve nuk e kemi lejuar as regjimin e Millosheviqit të na shkel dinjitetin e nuk të lejomë as ty dhe shokët e shoqet tuaja në Qeverinë në ikje”, ka thënë Haliti./Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre