Nënkryetari i Partisë Demokratike të Kosovës, Xhavit Haliti, në një prononcim për Blic ka folur për arritjen e marrëveshjes me shtetin e Serbisë dhe për ‘kompromisin e dhimbshëm’ , ndarjen apo shkëmbimin e territoreve, për të cilat flet presidenti Thaçi.
Haliti ka thënë se kufijtë e Kosovës janë të garantuar duke përmendur GjND, Pakon e Ahtisarit, marrëveshjen e Kumanovës dhe kufijtë e Kosovës për të treguar se kufijtë janë të garantuar që nga viti 1974.
“Për mendimin tim, vendimi i GjND-së, Pakoja e Ahtisarit, Marrëveshja e Kumanovës dhe kufijtë e Kosovës të cilët jemi mësuar t’i quajmë kufijtë e 1974, janë të garantuar ndërkombëtarisht. Këta kufij i njeh dhe i garanton Qeveria e SHBA, vendet e BE-së, Parlamenti Evropian, rreth 120 vende që e kanë njohur Pavarësinë e Kosovës”, ka thënë Haliti për Gazeta Blic.
Ai thotë se nëse dikush tenton të bëjë pazare me territorin e Kosovës, do të ishte gabim fatal.
“Nëse Kosova bën pazare në kundërshtim me gjithë këta faktor qe e garantojnë Pavarësinë e sajë do ishte gabim fatal. Pavarësinë e kufijtë e Kosovës ushtarakisht i garanton NATO, politikisht të gjitha vendet që e kanë njohur pavarësinë me kufijtë aktual”, ka deklaruar ai.
Haliti thotë se për arritjen e marrëveshjes së Serbisë duhet t’i kemi parasysh këto procese që i ka kaluara Kosova.
“Serioziteti i deklaratave dhe angazhimeve politike për këtë çështje duhet të jetë mbi bazën e besueshmërisë së zbatimit të marrëveshjeve ndërkombëtare që ka nënshkruar Kosova dhe ka garantuan Bashkësia Ndërkombëtare”, tha ai.
Sipas tij Serbia nuk ka guxim as të ia mësyjë Kosovës, për, shkak se e një herë e ka provuar NATO-në.
“Frika e aneksimit është e stisur dhe është propagande e instrumentalizuar. Përderisa ne i përmbahemi marrëveshjeve ndërkombëtare s’ka asnjë arsye për shqetësim e frikë. Kosova e kufijtë e sajë janë të mbrojtur nga NATO. Unë besoj fortë që Serbia në asnjë rast nuk ka guximin që të bëjë mësymje në drejtim të Kosovës. E ka provuar NATON”, ka ritheksuar Haliti i PDK-së.
Ndryshe, në konferencë për media që u mbajt në ditën e djeshme, Presidenti Hashim Thaçi ka deklaruar se nuk do të ketë ndarje, as shkëmbim të territoreve në mes të Kosovës dhe Serbisë, por korrigjim kufijsh.
Sipas Presidentit Thaçi kështu Lugina e Preshevës do t’i bashkohet Kosovës, kurse autonomi për veriun nuk do të ketë.
“Mendoj që ka ardhur koha që ta fuqizojmë rolin dhe vullnetin e qytetarëve tanë. Kemi mbushur ende interesin e qytetarëve. Nuk ua kemi mundësuar të drejtën për referendum. Unë jam konsultuar me të gjithë edhe me bashkësinë ndërkombëtare që tua mundësojmë shprehjen e të drejtës me referendum”, ka thënë Presidenti.
Thaçi ka thënë se sidomos, në rastin e arritjes së marrëveshjes eventuale paqësore për normalizim dhe pajtim ndërmjet Kosovës dhe Serbisë, e konsideron si të domosdoshëm deklarimin e vullnetit të qytetarëve nëpërmjet referendumit.
“Qytetarët e Republikës së Kosovës duhet të jenë në gjendje që të bëhen vendimmarrës në këtë proces kaq të rëndësishëm, sidomos tani kur jemi dëshmitarë të divergjencave të theksuara ndërmjet partive parlamentare në parlamentin e Kosovës për dialogun dhe marrëveshjen eventuale përfundimtare”, ka thënë Thaçi.
Në anën tjetër, Presidenti i Serbisë serb Aleksandër Vuçiq ka thënë se një zgjidhje kompromisi për Kosovën nuk është në horizont dhe se nuk është optimist për këtë çështje.
Në pyetjet e gazetarëve pas një takimi që pati me patriarkun Irinej në Beograd, për atë se cila është zgjidhja përfundimtare e kompromisit për Kosovën për të cilën vazhdimisht po flitet, Vuçiq tha:
“Përfundimisht do të jetë atëherë kur të përfundojë, jo para kësaj. Për këtë do të flas nëse është e mundur të arrihet një zgjidhje e tillë. Tani një zgjidhje të tillë nuk ka. A është në horizont? Mendoj se jo. Nuk jam optimist”, ka thënë Vuçiq.
Vuçiq ka thënë se ditëve të fundit ka një ndërhyrje të agjenturave të llojllojshme, prandaj Serbi ka ardhur në një situatë për të mbrojtur veten nga thashethemet.
Lufta Prigozhin - Putin
Më shumëNga Rubrika
Kosova përshëndet zgjedhjen e Afrim Gashit në krye të Parlamentit të Maqedonisë së Veriut
Dimitrov: Një marrëveshje më e mirë për palën greke do të thotë një marrëveshje më e keqe për palën maqedonase dhe anasjelltas
“Edhe ti mendon që Kurti është i rekrutuar i Serbisë”, “Unë nuk mendoj, unë e di” – përplasje mes Dibran Hoxhës dhe Lirim Mehmetaj
Ndryshimet në skemën sociale, familjet në nevojë që kanë fëmijë mbi pesë vjeç mund të aplikojnë sërish për ndihmë financiare
Vërshohet Podujeva pas reshjeve të shiut, Bulliqi akuzohet për keqqeverisje
Berisha “non grata” në Britani - brenda katër javësh gjykata shpall vendimin
“LDK refuzon farsën e darkave” - Abdixhiku thotë se PDK u instrumentalizua nga pushteti, kërkon dorëheqjen e Qeverisë Kurti
KFOR-i mohoi se ishte përfshirë në largimin e terrositëve nga Banjska - Grupi Ndërkombëtar i Krizave ndryshon raportin
Mashtrimet e mundshme ndaj pensionistëve, Policia dhe Prokuroria nisin hetimet
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vera më e nxehtë ndonjëherë? Ekspertët zbulojnë se çfarë mund të ndodhë në Evropë në muajt e ardhshëm
Luiz Ejlli ndez atmosferën në festën e Big Brother - Egla Ceno i bashkohet në skenë duke bërë 'twerk'
U raportua se ka blerë shtëpinë e Sergio Ramos në Madrid, por Mbappe ka marrë atë të legjendës tjetër të Realit
Koloneli shqiptar në Estoni tregon hapat e mbetur për Kosovën për t'iu bashkuar NATO-s
Maqedonci jep alarmin: Serbia ka vendosur tri brigada jo shumë larg kufirit me Kosovën
Pengu i Sylvinhos për Euro 2024 është që nuk mund ta marrë një lojtar që ka pësuar lëndim së fundmi