Gruaja rezervoi fluturimin dhe hotelin për dasmë vetëm për të zbuluar se nuk ishte e ftuar

Një grua kohët e fundit ndau një histori në Reddit për të kritikuar mbesën e burrit të saj duke e cilësuar si “të pavëmendshme” dhe “të pahijshme” pasi ajo organizoi një dasmë dhe më pas u martua një muaj më herët pa u treguar mysafirëve që i kishte ftuar.

Në një postim të shpërndarë në rrjetin social, përdoruesja detajoi zhgënjimin e saj me mbesën për mungesën e komunikimit rreth vendimit të minutës së fundit.

Sipas postimit, të titulluar “Je e ftuar në dasmën tonë! Oh, nuk ka rëndësi”, mbesa e shpalli fejesën e saj 14 muaj përpara datës së dasmës.

Përdoruesja e Reddit tregoi se mbesa e burrit të saj, Jennifer dhe i fejuari i saj u kërkuan të ftuarve të bënin rezervime herët për të siguruar vende në hotel, përcjell Telegrafi.

Shtatë muaj më vonë, çifti “përsëriti rëndësinë e rezervimit të gjithçkaje sa më shpejt që të jetë e mundur”.

Megjithatë, rreth një muaj para dasmës së planifikuar, përdoruesja e Reddit tha se ajo u trondit kur babai i nuses përmendi se Jennifer ishte martuar fundjavën e kaluar, “megjithëse në një destinacion të ri dhe me një numër shumë më të ulët të ftuarish”.

“You’re invited to our wedding! Oh, never mind…”
byu/Far_Rhubarb7177 inweddingshaming

Ky informacion natyrisht ishte i bezdisshëm për gruan pasi ajo kishte bërë rezervime me kërkesë të çiftit muaj më parë.

“Deri në këtë pikë, ne nuk ishim njoftuar kurrë për ndonjë zhvillim të ri apo ndryshim në planet origjinale. Asnjë email, ASGJË! Dhe për shkak se lajmin e mësuam vetëm pasi kishte ndodhur, ishte tepër vonë për të anuluar rezervimet ose për të ndryshuar fluturimin tonë”, shkroi gruaja.

Më tej, në postim, ajo e ka shprehur simpatinë për çiftin, duke pranuar se rrethanat mund të kenë qenë jashtë kontrollit të tyre.

Por, ajo përsëriti zhgënjimin e saj me mënyrën se si çifti komunikoi me të ftuarit.

“Unë e kuptoj që ajo ndodh dhe ndonjëherë planet ndryshojnë. Në këtë rast, Jennifer dhe i dashuri i saj në fakt kishin një arsye të vlefshme (është një histori e gjatë) për të bërë atë që bënë. Por nuk e kuptoj pse ne nuk na u tha për ndryshimin e planeve përpara se të bëhej dasma”, tha gruaja.

“Mendoj se të na njoftonim ne dhe të ftuarit e tjerë përmes një emaili v do të ishte më mirë sesa të mos komunikonin fare”, përfundoi postimi. /Telegrafi/