Në lagjen Kolovicë të Komunës së Prishtinës kanë humbur jetën dy fëmijë, vëlla e motër, të cilët aksidentalisht kishin rënë në një gropë të mbushur me ujë.
Banorët e lagjes thonë se gropa, në të cilën humbën jetën Florentina Mramori 13 vjeçare dhe Florent Mramori 11vjeçar, ishte hapur para dy vitesh nga një kompani e cila po kujdesej për asfaltimin e rrugës për rreth.
Babai i viktimave, Muhamet Mramori nuk ka pranuar të flas para kamerave lidhur me rastin. Në anën tjetër, fqinji Sylejman Krasniqi, tregon se si kishte dëgjuar zërin e vajzës së vogël, e cila kishte bërtitur ‘u mbytën u mbytën’.
Ai më tej rrëfen incidentin, i cili u mori jetën Florentinës dhe Florentit.
“Un isha në oborr në terasë duke ndejë, të parin kojshi e kam babin e rastit. E kom dëgjuar një zë të vajzës së tij të vogël duke thënë ‘u mbytën, u mbytën’, kam kcy, këpucët ne rek mu kanë lag krejt. Jam mundu me shku , një kojshi i jemi ka vrapu para meje sepse ai e ka pasur urën aty, ai dinte not, veç i ka hekë pantallonat edhe u hi. I ka lyp 20 min nuk ka mundur t’i gjejë. Kemi thirr Policinë, deri janë ardhur këta me vonesë. Kur erdhën, ka ardh një Polic, ai veç e ka hekë rripin, armën e ka hekë dhe u gjuajt në ujë, i ka kërkuar edhe ai nuk ka mundur t’i gjej. Ai komshiu hyri edhe një herë dhe i gjet, i morëm. Ky lum këtu është bërë qe dy vite, nuk ka mbrojtëse. Emrin nuk ja di kompanisë, është e Barilevës sa kam informata, ajo e ka filluar këtë rrugë ta shtrojë, dhe ka marr dheun nga këtu, edhe pasi u krye rruga ai ka marr dhe për një rrugë në Kodrën e Diellit, Dragodan i ka shtruar edhe ka marr material këtu dy vite. Vitin e kaluar kanë ardhur me marr dhe këtu, por Shpend Ahmeti e ka ndalu, iu ka kërkuar leje”, tha Krasniqi.
Krasniqi kujton se nuk është ky rasti i vetëm që ka ndodhur në këtë vend sepse në atë vend pa mbrojtëse kishte rënë edhe një veturë, ku personin e lënduar po i njëjti e kishte dërguar në Klinikën Emergjente. Ai më tej përmend edhe një rast tjetër që kishte ndodhur para dy vite, ku ka rënë një veturë tjetër aty. Sipas tij, nga ajo pjesë mund të pritet gjithçka, pasi që lumi është pa mbrojtëse.
Me të dëgjuar për rastin menjëherë erdhi edhe kryetari i Komunës së Prishtinës, Shpend Ahmeti, i cili shprehu ngushëllimet për familjen e fëmijëve. Më tej, ai tha se rasti do të hetohet dhe fajtori do të merr dënimin e merituar.
“Rast i rëndë, së pari ngushëllime për familjen. Këtu k a ndodh një tragjedi që është me vite të tëra që po përdoret ky vend, hetuesit për të gropuar. Leja zakonisht merret prej Ministrisë kur bëhen gërmime të tilla, kështu që hetuesia është duke interesuar që a ka pasur leje dhe si ka ndodh të jetë qe një kohë të gjatë sepse si duket aty, ajo gropë qenka qe shtatë apo tetë vite dhe qenka e mbushur me ujë, që e kanë përdorur fëmijët për t’u larë. Ende janë duke vlerësuar se si ka ndodhur ngjarja. Në këto momente është me rëndësi që të jemi pranë familjes, në këtë tragjedi. Hetuesia t’i heton krejt, këtu si duket kompani të shumta janë furnizuar, momentalisht pronari është duke u hetuar dhe të shohin se a ka pasur kontratë apo me kënd ka pasur sepse kjo është një pronë private dhe duhet të vlerësohet nga fillimi deri në fund. Mendoj që duhet t’i shkojmë kësaj pune deri në fund, duhet të jemi edhe më të rreptë në këso situate që mos të lejojmë që të na ndodh një gjë e tillë”, tha Ahmeti.
Sipas Ahmetit, fajtor kryesor për një gjendje të tillë janë gërmimet nga kompani të papërgjegjshme, për çka edhe thotë se do të hetohen. Ekipi i Zjarrfikësve ka filluar edhe zbrazjen e ujit nga gropa në Kolovicë, që iu mori jetën dy fëmijëve të familjes Mramori.
Lufta Prigozhin - Putin
Më shumëBE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Macron ia konfirmon Kurtit mbështetjen për Kosovën në KiE - kërkon formimin e Asociacionit
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjidhen dekanët e rinj në 14 fakultete të Universitetit të Prishtinës
Osmani: Drafti i statutit të Asociacionit do të dërgohet në Gjykatën Kushtetuese
"Nënat e Srebrenicës" falënderojnë presidenten Osmani: Një fjalim i tillë do të mbahet mend ndër breza
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj