Grimi verbues i spektaklit të Maison Margiela

Le të hedhim një vështrim të sfilatës më të shquar të Javës së Modës në Paris

Monica Ganic, fotomodele dhe grimiere profesioniste, do t’ju sjellë në prapaskenat e shfaqjes pranverë-verë 2024 të Maison Margiela nga John Galliano. Si adhuruese e artit të grimit, ajo spikati zgjedhjet magjepsëse që shënuan këtë event të modës së lartë.

“Së pari, le të flasim për ‘lëkurën e qelqtë’, lëkurën e lëmuar prej ‘porcelani’ që i dha glamur shfaqjes. U zhyta në botën magjike të losionit Divine Skin të Pat McGrath, një ilaç i vërtetë hidratues, i ndjekur nga bazamenti Sublime Perfection, duke ofruar shkëlqim opalescent. Pat McGrath dhe ekipi i tij përdorën një furçë ajri. Pasi spërkatën një shtresë të parë të hollë dhe më pas thanë fytyrat e modeleve me tharëse flokësh për të shpejtuar procesin, ato aplikuan disa shtresa për të marrë pamjen përfundimtare të “kukullës së dyllit”, u shpreh ndër të tjera modelja pejane me fame parisiene.

Pamja luajti një rol kyç në këtë përvojë artistike. Qepallat e veshura me nuanca pastel, ndonjëherë me shkëlqim, i jepnin jetë shprehjeve magjepsëse. Vetullat e ripërcaktuara dhe të zbardhura shtuan një prekje të intensitetit artistik, duke e bërë çdo model një kanavacë më vete.

Buzët, yjet e vërtetë të spektaklit, mahnitën me shkëlqimin e tyre ekstrem. Një harmoni e përsosur që nënvizonte në mënyrë elegante estetikën e përgjithshme të paradës.

Kjo shfaqje e modës shkon përtej tendencave të shpejta. Çdo zgjedhje grimi ishte një riinterpretim artistik i bukurisë. Është një festë gjithëpërfshirëse ku moda e lartë bëhet një ‘qëndisje’ e gjallë.

View this post on Instagram

A post shared by Monica Ganic (@monnyccaa)

/Telegrafi/