Google, marka më e vlefshme në botë

Google tani është marka më të vlefshme në botë. Sipas agjencisë globale për hulumtime të tregut, Millward Brown, vlera e markës Google është rritur për 40 për qind vetëm brenda një viti të vetëm, duke arritur në 158.84 miliardë dollarë, për dallim nga përcjellësi i saj, kompania rivale Apple, vlera e së cilës është 148 miliardë dollarë dhe e cila ka një rënie prej 20 për qind për periudhën e njëjtë kohore.

Google është ngjitur në maje të listës në mënyrë të qëndrueshme, pas parakalimit të IBM-së, e cila kishte vendin e dytë gjatë të vitit të kaluar.

Depërtimi i Google edhe në pajisjet që barten në trup, sikurse projeti Google Glass dhe investimet e vazhdueshme në fushën e inteligjencës artificiale, kanë qenë të rëndësishme dhe vendimtare për rritjen e vlerës së markës Google.

Kjo është hera e parë në katër vitet e fundit që Apple nuk ka arritur ta mbajë pozicionin e saj si kompania më e vlefshme në botë në aspektin e vlerës.

Raporti i Millward Brown – Top 100 BrandZ – gjithashtu paraqiti kompanirë e tjera të mëdha të teknologjisë amerikane, si IBM, e cila zë vendin e tretë me vlerën e markës prej 107 miliardë, e ndjekur nga Microsoft me një vlerë prej 90 miliardë dollarësh. /Telegrafi/