Goli i parë i Xavi Simons në Ligën e Kampionëve erdhi nga një goditje mahnitëse, holandezi ‘bombardoi’ portën e Crvena Zvezdas

Besoni apo jo, goli i parë i Xavi Simons në Ligën e Kampionëve për RB Leipzig në ndeshjen e tyre në Grupin G kundër Crvena Zvezdas ishte një predhë fantastike.

RB Leipzig fitoi me rezultat 3-1 ndaj klubit serb në ndeshjen e Ligës së Kampionëve, me Simons që ishte njëri nga lojtarët më vendimtar.

Mesfushori 20-vjeçar, i cili iu bashkua skuadrës së Bundesligës këtë verë në huazim për një sezon nga Paris Saint-Germain, ka bërë një ndikim të menjëhershëm në Red Bull Arena.

Të mërkurën mbrëma, pasi David Raum i dha ekipit vendas një epërsi të hershme, produkti i të rinjve të Barcelonës shënoi padyshim golin e mbrëmjes për t’i dhënë skuadrës së Marco Rose një epërsi me dy gola.

Score a golazo ➡️ hit the griddy 🥶

Xavi Simons 🙌#UCL pic.twitter.com/z19ejZltJO

— UEFA Champions League (@ChampionsLeague) October 25, 2023

Pasi e ftoi një mbrojtës të klubit serb për të bërë një sfidë, Simons e kalon atë përpara se të mposht portierin Omri Glazer me një goditje të mrekullueshme nga distanca.

Goli i Simons ka pushtuar titujt e mediave botërore, pasi po cilësohet si njëri nga më të mirët deri tani këtë sezon. /Telegrafi/

Xavi Simons. pic.twitter.com/Eva4Bh6hbt

— J (@J4cobS_) October 25, 2023