Gjuetarët janë në kërkim të thesarit më të madh në botë që gjendet në Finlandë – ku besohet se ka diamante e smeralde

Një ekip gjuetarësh thesari mund të jenë në prag të zbulimit “të rezervës më të madhe të thesarit në botë”, që thuhet se vlen mbi 20 miliardë dollarë.

Sipas medieve të huaja, përcjell Telegrafi, ekipi, i njohur si “Temple Twelve”, ka qenë duke kërkuar në Finlandë grumbullin “Lemminkainen Hoard”, që përbëhet nga ari, xhevahire dhe artefakte, që nga viti 1987.

Nëse zbulohet thesari, mendohet se do të jetë lënda më e vlefshme e gjetur ndonjëherë.

Grupi ka kaluar stinët e verës duke kërkuar për thesarin, duke punuar gjashtë orë në ditë, shatë ditë në javë.

Thesari masiv mendohet se përfshin rreth 50 mijë gurë të çmuar, duke përfshirë rubin, safirë, smerald dhe diamante.

Rreth 1,000 artefakte që datojnë me mijëra vjet mendohet se janë gjithashtu pjesë e grumbullit së bashku me një numër statujash prej ari, 18-karatësh në madhësi reale.

Anëtarët e grupit kanë udhëtuar nga e gjithë bota, duke përfshirë Rusinë, Australinë, SHBA-në, Suedinë, Norvegjinë, Gjermaninë dhe Holandën, për t’u bashkuar në gjueti. /Telegrafi/