Sport Futboll Ndërkombëtare

Gjithçka që duhet të dini për ‘Operacionin Mbappe’: Kanë mbetur edhe 50 ditë që ai të fillojë të negociojë me Real Madridin

Para 3 vitesh

Kanë mbetur edhe 50 ditë për të mbërritur më 1 janar 2022, kur Real Madrid do të jetë në gjendje që të angazhohen në transferimin e Kylian Mbappes, pasi kontrata e tij me Paris Saint-Germain skadon në qershor.

Los Blancos u përpoqën të nënshkruanin me francezin verën e kaluar, por nuk kishin sukses, pasi PSG nuk donte të ndahej me yllin e tyre, por ai do të jetë i lirë të negociojë me klubet e tjera që nga dita e parë e vitit 2022.

Pra, le t’i hedhim një sy situatës tashmë të njohur si ‘Operacioni Mbappe’, teksa afati kalimtar dimërore po afron.

Mbappe duhet të vendosë të nënshkruajë me Real Madridin?

Ata që dinë detaje rreth operacionit janë të bindur se Mbappe dëshiron të largohet nga PSG verën e ardhshme dhe të nisë një aventurë të re si lider në projektin e Real Madridit.

“I thashë PSG-së në korrik se doja të largohesha”, ka treguar Mbappe në tetor, kur ai shprehu publikisht qëllimin e tij për t’u larguar nga skuadra e Ligue 1 dhe për t’iu bashkuar Real Madridit.

A ka ende mundësi që Mbappe të rinovojë marrëveshjen me PSG-në?

Real Madridi është ende i shqetësuar se PSG mund të bindë Mbappe të rinovojë kontratën e tij, por Los Blancos besojnë se lojtari do t’i përmbahet planit të tij origjinal.

Pas dy tentativave të dështuara, PSG-ja është e gatshme të bëjë një ofertë të re prej 25 milionë euro në sezon dhe gjithashtu do të përpiqet të bindë francezin përmes projektit të tyre sportiv, i cili drejtohet nga tresheja sulmuese me Lionel Messit , Neymar dhe vetë Mbappe.

A mund të ndikojnë personat e afërt me Mbappe në vendimin e tij?

Nëna e Mbappes nuk përjashtoi një rinovim të mundshëm të kontratës dhe mbetet për t’u parë nëse familja dhe agjenti i tij mund të ndikojnë në vendimin e francezit.

“Babai i tij dëshiron që ai të qëndrojë, ndërsa avokati e unë duam që ai të largohet, por askush nga ne të tre nuk vendos”.

“Ne jemi duke folur për momentin me PSG-në dhe gjithçka po shkon mirë” , ka treguar së fundmi nëna e Mbappes.

Mbappe mund t’i bashkohet Real Madridit në janar?

Real Madrid nuk po përjashton mundësinë e bërjes së një oferte tjetër si një akt i ri i vullnetit të mirë ndaj PSG-së për të demonstruar se qëllimi i tyre nuk ishte thjesht të nënshkruanin me Mbappe si transferim i lirë verën e ardhshme. Në gusht, Los Blancos e bën të qartë se ata nuk donin të përfitonin nga situata me kontratën e lojtarit me klubin.

Klubi nga La Liga nuk ka diskutuar një shifër specifike që mund të ofrohet në këmbim të shërbimeve të Mbappe në dimër, por ata besojnë se PSG do të refuzonte çdo ofertë.

A ndikon paraqitja e Vinicius në ‘Operacionin Mbappe’?

Fakti që Vinicius po spikat këtë sezon nuk do të ndikojë në vendimin e Real Madridit për të nënshkruar me Mbappen.

Përkundrazi, ajo përforcon synimin e Los Blancos për të bashkuar dy lojtarë që pritet të shënojnë një epokë dhe të nxisin klubin si në aspektin futbollistik ashtu edhe në atë të marketingut.