Gjiko merr mijëra mesazhe mbështetëse pas videos ku demanton ekzistencën e një video-dëshmie të rastit për të cilin po akuzohet

Reperi i njohur shqiptar, Gjiko, ka tash e sa ditë që është vënë në qendër të vëmendjes së shumë prej mediave vendore.

Kjo pasi mbi të rëndon një akuzë e rëndë nga një vajzë e rritur në SOS Fshat, e cila e ka paditur atë për një dhunim që sipas saj ka ndodhur kur ajo ishte 17 vjeçe, nën premtimin e një karriere për ta bërë këngëtare.

Gjiko ka reaguar publikisht lidhur me këtë çështje, duke e quajtur gjithçka një inskenim dhe mashtrim nga ana e vajzës në fjalë, në bashkëpunim me disa gazeta online të cilat kanë publikuar artikuj pa ofruar dëshmi për kryerjen e këtij akti.

Lexo po ashtu Gjiko thyen heshtjen për akuzat e rënda me të cilat po përballet, paditë dy mediume për shpifje

Vet Gjiko të premten përmes një videoje të publikuar në InstaStory u kërkoi mediumeve në fjalë (të cilat theksoi se edhe i ka paditur), që ta publikojnë video-dëshminë “që e paskan” – por që sipas reperit ajo nuk ekziston sepse një ngjerje e tillë nuk ka ndodhur kurrë.

Me të publikuar këtë rrëfim, reperi me prejardhje nga Peja ka marrë plot mesazhe mbështetëse nga ndjekësit e tij të shumtë, të cilët i kanë shkruar mesazhe në InstaDirect.

Lexo po ashtu "Nëse keni video-dëshmi të dhunimit, lirisht publikojeni", Gjiko dhe avokati i tij ngrisin padi të tjera ndaj gazetave online për shpifje

Ai ka ndarë me ndjekësit në Instagram shumë prej këtyre mesazheve, duke i falënderuar njëherësh ndjekësit për mbështetjen.

Në shumë prej tyre lexoheshin fjalë suportuese për reperin pejan, të cilët kishin besuar në rrëfimin e tij, duke i thënë të mos shqetësohej nga ajo që ata e quajnë inskenim. /Telegrafi/