Gjest i madh nga Fiorentina: Skuadra italiane shpreh gatishmëri që pagat e mbetura të Astorit t’i dhuroj për gruan dhe vajzën e tij

Fiorentina do t’i transferojë pagat e mbetura të kontratës së kapitenit të ndjerë Davide Astori për gruan dhe vajzën e tij që i la pas.

Lajmi u konfirmua këtë mbrëmje nga Presidenti i CONI-t, Giovanni Malago pas një takimi të drejtuesve të Serie A, por ky mundet me qenë edhe një mashtrim sipas mediave italiane.

Astori vdiq në gjumë të dielën, në moshën 31-vjeçare, në hotelin e ekipit përpara një ndeshjeje të planifikuar kundër Udineses.

Lexo po ashtu Futbolli italian në zi, Davide Astori gjendet i vdekur në dhomën e hotelit

Presidenti i Fiorentinës, Andrea Della Valle njoftoi se kishin rënë dakord për një zgjatje të kontratës që do të nënshkruhej sot.

Tani, ka ardhur edhe konfirmimi nga drejtuesi i CONI-t, Malago, i cili ka sqaruar gjithçka rreth atyre parave të planifikuara.

Sipas tij, klubi Viola do të marrë shumën që ishte lënë mënjanë për kontratën e italiani dhe do t’ia japë familjes Astori.

Lexo po ashtu Vdekja e Astorit, futbollisti la prapa gruan dhe vajzën dyvjeçare

Italiani shtatlartë la pas vetes gruan e tij, Francesca dhe vajzën dyvjeçare, Vittoria, dhe këtyre dyjave pritet t’i takojë rroga e mbrojtësit.

Paga e tij ishte 1.3 milionë euro në vit dhe, edhe pse raportet e mëhershme që sugjeronin zgjatjen e kontratës ishin gjithsesi të mundshme, ky do të ishte një gjest më shumë simbolik sesa një kontratë zyrtare. /Telegrafi/