Gjermania planifikon të shkatërrojë një qytezë për një minierë – linjiti është forma më ndotëse e qymyrit

Është një imazh i zymtë në vitin 2023 – policia po mundohet të largojë njerëzit nga shtëpitë e tyre për t’i shkatërruar dhe në këtë formë t’i hap rrugët arritjes së makinerive për të nisur nxjerrjen e qymyrit.

Që nga e mërkura, ndërsa shiu dhe erërat goditën qytezën e Lutzerathit, policia ka larguar qindra aktivistë gjermanë. Disa kanë qenë në Lutzerath për më shumë se dy vjet, duke zënë shtëpitë e braktisura nga ish-banorët pasi u dëbuan, shumica deri në vitin 2017, për t’i hapur rrugë minierës.

Më shumë se 1000 policë janë përfshirë në operacionin e dëbimit. Shumica e ndërtesave tani janë pastruar, por disa aktivistë mbetën në shtëpi, sipas policisë së qytetit Aachen, raporton cnn.

Organizatorët e protestës presin që mijëra njerëz të tjerë të t’iu bashkohen në zonë për të demonstruar kundër shkatërrimit të saj, megjithëse në fund të fundit mund të mos jenë në gjendje të hyjnë në fshat, transmeton Telegrafi.

Bei der Räumung in Lützerath hat sich nun ein Bagger festgefahren. #Lutzerath pic.twitter.com/EFOv8A5OTD

— Björn Kietzmann (@bjokie) January 11, 2023

Pas përfundimit të dëbimit, RWE planifikon të përfundojë një gardh rrethues prej 1.5 kilometrash në Lutzerath, duke mbyllur ndërtesat, rrugët dhe kanalizimet e fshatit përpara se ato të prishen.

Lutzerath, rreth 32 kilometra në perëndim të Dusseldorfit, ka qenë prej kohësh një pikë e nxehtë në Gjermani për shkak të pozicionit në buzë të minierës së linjitit të hapur, Garzweiler II.

Miniera shtrihet në rreth 35 kilometra katrorë në North Rhine Westphalia (NRW).

Shembja e ngadalshme e dheut gjatë viteve ka gëlltitur tashmë fshatrat ku familjet kanë jetuar për breza. Ajo ka shkaktuar shkatërrimin e ndërtesave shekullore dhe madje edhe të një ferme me erë.

RWE ka planifikuar prej kohësh të zgjerojë më tej minierën, përballë kritikave nga grupet klimatike. Linjiti është forma më ndotëse e qymyrit, e cila në vetvete është lënda djegëse fosile më ndotëse.

🔴 Crédit Agricole, BNP, Société Générale… ces banques financent à coup de millions d’euros le projet climaticide d’extension d’une mine de charbon en Allemagne

Bilan : un village rasé et plus de 36 000 morts en Europe à cause de la pollution émise par les centrales à charbon pic.twitter.com/MxGiIbwHyV

— Disclose (@Disclose_ngo) January 13, 2023

Që në vitin 2013, gjykatat gjermane vendosën se kompania ishte në gjendje të zgjerohej, madje edhe në kurriz të fshatrave aty pranë.

Pas sukseseve të të Gjelbërve në zgjedhjet federale të 2021, disa shpresonin se zgjerimi do të anulohej, tha David Dresen, pjesë e grupit të klimës Aller Dorfer bleiben (Të gjithë fshatrat qëndrojnë), i cili jeton në Kuckum, një fshat që ishte planifikuar për shkatërrim.

Por në tetor 2022, qeveria arriti një marrëveshje me RWE që shpëtoi disa fshatra – përfshirë Kuckum – por lejoi që Lutzerath të shkatërrohej për t’i dhënë RWE qasje në qymyr.

Të Gjelbrit dhe RWE thonë gjithashtu se zgjerimi do të ndihmojë në lehtësimin e krizës energjetike të shkaktuar nga lufta në Ukrainë, e cila ka kufizuar furnizimet me gaz. /Telegrafi/