Gjergjaj humb meçin nga Sean (Foto)

Boksieri shqiptar, Arnold Gjergjaj, i njohur ndryshe si ‘Kobra’ është mposhtur nga boksieri irlandez, Sean Turner.

Gjergjaj i është kthyer boksit pas më shumë se një viti, por ka dështuar ta fitojë meçin e tij të rikthimit.

Boksieri shqiptar është mposhtur nga irlandezi Turner, i cili e ka nokautuar atë në raundin e tetë të meçit.

Lexo po ashtu "Pas grushtit të parë më dukeshin katër Haye"

Humbjen e tij e ka lajmëruar vet Gjergjaj, i cili ka shkruar në profilin privat në Facebook, duke thënë se kundërshtari i tij ishte më i mirë.

“Të dashur miq, kam humbur luftën time të 32-të. Sean ishte boksieri më i mirë mbrëmë”, ka shkruar fillimisht Gjergjaj në Facebook.

“Faleminderit për mbështetjen tuaj në të gjitha përpjekjet e mia. Një falënderim i madh shkon për gruan time, Marta, e cila ishte në meç për mua”.

“Falënder familjes sime, ‘ekipit Kobra’, anëtarët e Boxfit Arnold, të gjithë sponsorët dhe miqtë që më mbështetën isha këtu”, ka shkruar ai

Ndryshe, ky ishte meçi i parë i Gjergjajt që nga humbja e tij në luftën e fundit nga boksieri i njohur britanik, David Haye. /Telegrafi/