Prishtina dje pasdite u trondit nga një ngjarje e rëndë e cila ndodhi në lagjen “Mati 1”.

Nga të shtënat më armë zjarri mbetën të plagosur katër persona, ku dy prej tyre më pas ndërruan jetë në QKUK.

Vdes edhe personi i dytë i plagosur në Lagjen e Spitalit Vdes edhe personi i dytë i plagosur në Lagjen e Spitalit

Ndërkohë edhe dy personat e tjerë të plagosur vazhdojnë të trajtohen në QKUK, dhe gjendja e tyre vazhdon të jetë e rëndë.

Kështu ka bërë të ditur për Telegrafin, zëdhënësi i QKUK-së, Shpend Fazliu.

“Janë në mjekimin intensiv qendror në gjendje të rëndë, nën përkujdesje intensive të stafit mjekësor”, ka thënë Fazilu.

Policia ende nuk ka bërë të ditur zyrtarisht motivet e rastit, por sipas dëshmitarëve në konfliktin e armatosur janë përfshirë familjet Mehmeti dhe Rafuna, për shkak të kontestit pronësor.

Policia deri më tash ka arrestuar tre persona të përfshirë në këtë rast tragjik. /Telegrafi/