Getoar Selimi shfaqet me kapelën me ngjyrat e ylberit në Javën e Modës në Milano

Çifti i njohur i estradës, Marina Vjollca dhe Getoar Selimi, kanë marrë së fundmi pjesë bashkarisht në javën e Modës në Milano.

Dyshja janë dukur mjaft bukur dhe tejet elegantë, teksa janë paraqitur në një prej ditëve të ngjarjes, e cila mbledh të gjithë të apasionuarit e modës në një vend.

Teksa Marina është dukur një damë e vërtetë e veshur me një fustan ngjyrë vishnje, jo më pak elegant është dukur edhe bashkëshorti i saj.

Reperi Getoar Selimi ishte veshur me një kostum të kaltër mjaft elegant, të hapur te pjesa e gjoksit.

Kostumin ai e kishte kombinuar me një palë këpucë elegante ngjyrë kafe, teksa bashkë me Marinën merrnin pjesë në sfilatën e “Elisabetta Franchi”.

Ndërsa si aksesor, reperi kishte vendosur një kapele të kaltër në kokë, rrethi i së cilës karakterizohej me ngjyrat e ylberit.

Nuk dihet nëse kjo kapele shumëngjyrëshe ka qenë një shenjë ndërgjegjësimi me komunitetin LGBT+, megjithatë është e sigurt që reperi nuk është shfaqur kurrë me kaq shumë ngjyra më parë. /Telegrafi/