Gërvalla pyetet nëse është dëshmitare në Gjykatën Speciale: Nuk kam qenë, e as nuk jam

Ministrja e Punëve të Jashtme e Kosovës, Donika Gërvalla është pyetur sot nëse është dëshmitare në Gjykatën Speciale.

Duke iu përgjigjur pyetjeve të gazetarëve, Gërvalla e mohoi një gjë të tillë, duke thënë se nuk dëshiron që ta keqpërdor vizitën e homologut të tij kroat.

“Për të mos e keqpërdorur vizitën e homologut, për të mos shpenzuar kohën e tij, një përgjigje shumë e shkurtër. Jo, as nuk kam qenë as nuk jam. Mendoj që është përgjigja e mjaftueshme”, ka thënë Gërvalla.

Lexo po ashtu Donika Gërvalla: Asnjëherë nuk do të pushoj së kërkuari drejtësi për të gjitha viktimat në Kosovë

Për këtë çështje Gërvalla përmes një postimi kishte thënë se asnjëherë nuk do të pushojë së kërkuari drejtësi për të gjitha viktimat në Kosovë, pa marrë parasysh përkatësinë politike, gjininë, kombësinë apo funksionin e viktimave dhe autorëve të krimit.

“Kjo është më e pakta që mund të bëjmë jo vetëm për viktimat, por edhe për gjeneratat që vijnë. Heshtja qyqare nuk e nderon asnjërin prej nesh. Kuvendi i Republikës së Kosovës e ka thënë qartë fjalën e tij. Si ministre e qeverisë së zgjedhur me votën më të fuqishme qytetare i përulem çdo vendimi të Kuvendit”, kishte thënë Gërvalla. /Telegrafi/