Georgina Rodriguez krenohet me aksesorët e kushtueshëm që barti gjatë shoqërimit të Ronaldos në prezantimin te Al-Nassr

Georgina Rodriguez ka treguar vathët e saj të shkëlqyeshëm dhe bizhuteritë në postimin e saj të fundit në Instagram.

Partnerja e Cristiano Ronaldos Nuk heziton dhe madje me krenari shfaqë aksesorët e saj të kushtueshëm në rrjetet sociale.

Ajo kohët e fundit mban një unazë të madhe diamanti teksa mori pjesë në prezantimin e bujshëm te Al-Nassr të Cristianos.

Postimi i fundit i Georginas e tregon atë teksa pozon me vathët e saj të mëdhenj dhe me shkëlqim.

“Sepse Zoti nuk na ka dhënë një frymë frikacake, por fuqie, dashurie dhe vetëdisipline”, ka shkruar modelja 28-vjeçare e ka mbishkrimin e postimit të saj.

Ajo doli në fushë me Ronaldon dhe fëmijët teksa ai u prezantua për herë të parë për fansat e ekipit arab.

Transferimi i tij në Lindjen e Mesme e ka bërë atë lojtarin më të paguar ndonjëherë.

Pasi u largua nga Manchester United, 37-vjeçari nënshkroi një marrëveshje fitimprurëse prej 200 milionë eurosh në vit me klubin Saudit Pro League.

Partnerja prej gati gjashtë vitesh Georgina do të jetë në gjendje të jetojë me Ronaldon në Arabinë Saudite, pavarësisht ligjeve të rrepta për çiftet e pamartuara që bashkëjetojnë.

Raportimet kanë deklaruar se babai i pesë fëmijëve, Ronaldo dhe Georgina, do të marrin një leje për shkak të statusit të tij si një nga atletët më të shitur në botë.

Ajo mund të jetë aty për ta brohoritur atë ndërsa ai bën debutimin e tij në Al Nassr më vonë këtë muaj.

Ronaldo mund të shikonte vetëm nga tribuna teksa Al-Nassr mundi Al-Ta’ee 2-0 të premten e kaluar, teksa kreu ndeshjen e parë të dënimit me dy ndeshje.

Ndeshja e dytë e ndalimit të tij do të vijë kundër Al-Shabab të shtunën, prandaj ai më në fund mund të debutojë kundër Ettifaq më 22 janar.

Cristiano dhe Georgina arritën me një avion luksoz ndërsa udhëtuan për herë të parë në Arabinë Saudite.

Dhe Georgina ka qenë në formë të mirë dhe aktive që kur mbërriti në vendbanimin e ri, duke ndarë fotot e saj të ndryshme atje. /Telegrafi/