Gashi, LVV-së: Mirëserdhët në realitetin e ri politik, pasioni juaj i opozitës do të respektohet

Shefi i Grupit Parlamentar të LDK-së, Arben Gashi në seancën e sotme të Kuvendit, ka thënë se kjo është dita e parë në të cilën po vendosen standardet e reja të punës.

Duke iu drejtuar Grupit Parlamentar të LVV-së, Gashi tha se standardet e reja të punës nuk do të jenë zhurmat e juve.

“Standardet e reja të punës nuk do të jenë zhurmat e juve, por bashkëpunimi jonë për ju. Standardet e reja të punës nuk do të jetë gjuha që përdori kolegu më herët, por do të jetë gjuha e bashkëpunimit. Standardi që do të ndërtojmë nuk do të jetë standard që e vendos Serbinë në avantazh në Këshillin e Sigurimit të OKB-së, nuk do të jetë standard që e vendos Serbinë në gazetat më prestigjioze, nuk do të jetë standard që Serbia vendos gjendje të jashtëzakonshme në Kosovë, nuk do të jetë standard që lejon mbi 200 mjekë të hyjnë në Kosovë e të futen ilegalisht teste anticovid”, ka thënë Gashi.

Gashi theksoj se do të jetë standard i bashkëpunimit.

“Sado që ju folni ashpër ne do të flasim but, por do të veprojmë fort. Ju garantoj që pasioni juaj i opozitës do të respektohet. Do të jemi këtu për të respektuar vullnetin politik të institucioneve të Kosovës. Ne sot po vendosim standardin e ri të të bërit politik dhe të menduarit politik dhe në këtë mendim ju jeni të mirëseardhur”, tha Gashi.

Ai garantoj LVV-në se do të jenë bashkëpunëtorë dhe se nuk të keni mundësi të sillen me mentalitetin e shkarkimeve të mesnatës.

“Opozitar të sotëm dhe të djeshëm, të dashur bashkëpunëtorë të djeshëm dhe opozitar të sotëm mirëserdhët në realitetin e ri politik, bashkëpunimin pozitë-opozitë, ju garantoj që lajmet në gazetat prestigjioze do të jenë në favor të Kosovës, bisedimet në këshillin e OKB-së do të jenë në interes të Kosovës dhe ju garantoj se për çdo vendim ju do të jeni të përshirë. Ju uroj bashkëpunim të këndshëm”, tha Gashi. /Telegrafi/